السلام عليكم ورحمة الله وبركاته
شحالكم؟
طبعا انا كان شعري ناعم ويجنن بالنسه لي كان يعجبني وناعم بدون شسوار بس بعد ماكنت اشوف ربيعاتي ايام ثالث اعدادي يصبغن قمت وسويت خصلات وصف عاشر قمت وسويته اسود مزرق وعقبها بني وعقبها فثاني ثنوي اسود ورديت سويت بني وفملجتي صبغته بني ورديت اسوي اسود بعد ولادتي الحمدلله صار ملوي شوي ولازم سشوار عشان يصير سيده و مشكله ثانيه تساقط الشعر ،، ادري الصبغه سبب دمار شعري بس انا ابا نصايح شو اسوي واذا بسوي تحاليل دم عشان تساقط الشعر وين اسوي؟ انا من العين و هل البوتكس والكرياتين و و و و هم الحلول ولا زيوت ولا حمام زيت ولا؟؟ اتمنى اسمع من الي مجربات والي بتعاتب ترى الانسان يحتاج للتغير عشان ما يمل من شكله
تحياتي
ما انصحج تسوين بوتكس وكيراتين لان بيحترق وبيختر اكثر
اعتني فيه و سوي تحاليل هرمونات يمكن لاسمح الله عندج خلل ف الغده الدرقيه لانها تأثر
وسوي ماسكات طبيعيه واستخدمي زيت الاركان وايد مفيد
خذي فيتاميتنات للاضافر والشعر
وكثري من الماي
انا اعاني شراتج شعري اخترب من الصبغ والحين احاول اعدله
جزاج الله الف خير اختي الحور وانا مدحو لي زيت ارجان وااااايدفالقريه المغربيه وشكلي باخذ هالمره ان شاء الله وبسوي فحص و باخذ الفيتامينات وان شاء الله خير حتى امي ذمت البوتكس والكرياتين
٤٧ مشاهده ومافي ردود الا رد واحد 
؟
انا كمان خربت شعري قبل شهر
بس الحمدلله عالجتو ورجع احسن من اول
اول اشي جبت صبغه غارنيه اللي بزيت الزيتون لون اشقر رمادي
صبغت فيها شعري بالبيت بس بدون اوكسجين
وبعد الصبغه حطي البلسم اللي بيجي مع علبه الصبغه كتير ممتاز
ورح تحسي بالفرق فورا رح ينعم شعرك ويصير لونو حلو ويلمع ويبين صحي
واللي فادني كمان حمام زيت فاتيكا اللي بالتوم ممتاز استمري عليه نتيجتو مضمونه
وشامبو فاتيكا بالثومه ممتاز للشعر وريحتو حلوه
وانشالله هيك بيرجع شعرك احسن وانعم من اول
اولا اختي مانصحج تسمعين لنصايح حد ، واللي تقولج حطيت مدري شو وفادني مانصحج تجربين
لان شعر عن شعر يختلف ، يمكن ناسب غيرج بس مايناسبج ويسوي معاج نتيجه عكسيه بعد !
الصبغه للاسف اذا حطيتيها لشعرج خلاص انسي شعرج اللي قبل ، مابيرد لو شو
لكن ماعليج الحين الا تحافظين عاللي باقي منه
روحي ل دكتوره جلديه ، خبريها وهي بتسويلج فحوصات ومن خلالها بتعطيج اللي يناسبج
انسي الصبغه خلاص .
وانسي شي اسمه كيراتين وهالمواد لان اذا حطيتيها عادي تصحين من النوم بعد شهر تلاقين شعرج كله عالمخده
واقولج هالكلام عن سابق تجربه ..
موفقه حبيبتي :*
شي طبيعي بعد الولادة يطيح الشعر
احسن شي تسوين تحليل عند طبيبة امراض جلدية
وهي بتخبرج اذا محتاجه فيتامينات
واسئليها شو احسن بديل للصبغات