بنات بعد ولادتي الأولى أهملت عمري وما لبست المشد مالت البطن ولا شياته وظهر عندي كرش سبب لي احراج خاصه اني ضعيفه وشكل الكرش فيني غلط الموووووهيييم أنا ألحين حامل بس أبغي آخذ لعمري مشد زين للبطن عشان ألبسه عقب الولاده من وين تنصحوني آخذه؟ ومتى تنصحوني ألبسه يعني عقب جم يوم من الولاده ولا ألبسه على طول؟؟
نفس المشكلة حد يساعدنا بنات
انا هاي اول ولاده لي وصراحه اشتريت مشد لونه ابيض من بيبي شوب فنان وايد مريح
نت ابغي استخدمه ثاني يوم الولاده بس ماقدرت اوقف عدل من التعب حاولت ما في فايده
وعقب يوم رديت البيت اليوم التالت استخدمته على طول والحمد الله ياب فايده وياي يعني دخلت البطن شويه والحمد الله
والحينه اربع شهور من يوم ربيت وناويه اتسجل في نادي عشان اخوز البطن نهائيا
ان شاء الخبيرات يفيدونا
بس سمعت المشد الاندونيسي البنات بمدحوه كثير
أنا بعد فيني كروووشه صغيره كيف أخوزها ؟؟ عن المشد أحس ماليه فايده يعني فتره بيدخله و بعدين خلاص يرد البطن عادي … عن تجربه يعني
خواتي… لازم بعد الولاده بأسبوع على المربي لبس مشد او تربط على بطنها المهم ما تخلي بطنها طايح وشوي شوي بيرد البطن انشاء الله.
عزيزتي……
انا بعد مثلج في حملي الاولي ما استخدمت مشد ولا شي والحين بعد ولادتي ال2 بعد ماسويت شي بس ناويه "اونيه توه الناس"
انا الحين ياسه اتلاحق عمري والحمدلله حاسه في تطور شوي
وهاي نصائح دكتوره اجنبيه خاصه لما بعد الولاده:
1-بعد اسبوعين من الولاده تبدئيين بالتمارين الخفيفه مثل رفع جسمج الفوقي ومحاولة ملامسه الركبه:اتمنى فهمتي التمرين"
2-عقب شهر او 3 اسابيع تلبسين الشد وفي بعض الناس يقولوا ما ينفع بس هيه اكدت لي انه واايد زين عن ترهل البطن
3-اكثر شي بينفعج المشي ثم المشي ثم المشي
4-سيري عند مسيحه اذا تعرفين حد واذا ما تعرفين سيري اي صالون او سبا وخليهم يسولج مساج كامل للجسم المهم حد يمسح علجسمج ويدلكج
وانشاءالله تقومين بالسلامه