السلام عليكم ورحمه الله وبركاته
أخواتي الغاليات انا ابا افتح ملف في مستشفي الكورنيش
بس ماعندي وقت غير العصر … يستوي اسير العصر
وسمعت ان عندهم عياده خاصه .. يعني وقت ماافتح الملف اطلب العياده الخاصه!!!!
وبعد وقت المراجعات يستوي اسير العصر
وشكــــرا
ينتهي دوام الكورنيش الساعه 4 العصر هذا إلي أعرفه
إفتحي ملف وإطلبي الموعد الساعه 3 أو 3ونص
والعياده الخاصه عادي تتطلبينها لما تتفتحين الملف إسألي الممرضات وبيوافونج بالإجراءات
الله يعينج على مستشفى الكرنيش
الملف يفتوحونه اي وقت ..
انا اول مره سرت الساعه 9 فالليل وفتحولي ملف بس لازم عقد الزواج او صوره من جواز الزوج …
شو تبين بها .. اكرهها 
سرت يوم السبت .. بموووت تعبانه .. دخلوني بعد 4 ساعات .. هذا اونه طوارئ بعد !
والله العظيم يات حرمه خلاص بتربي .. وتتلوى وتتألم وحالتها حاله ..
قالولها يلسي فالانتظار
ريلها يصارخ يقول خلاص بتربي .. قالو ماعندنا ملف خاص بها ..
قال نحن من ام القيوين والحرمه ياها الطلق فجأه يعني تبينا نرد ام القيوين وتربي في السياره !!
طنشته السستر .. ,الله العظيم دخولها ع الدكتوره بعد ساعتين !
وتدرين شو قالو لها .. نزلت تصيح .. قالت لها الدكتوره ولدج مريض وفيه اعاقه
يعني هي ناقصه تقولها هالكلام وهي فالطلق .. ويمكن بعد مو صدق
.
.
صدقيني اول مابتدشين بيعطونج ورقه كاتبين فيها
احتمال يصل انتظارج 4 ساعات فقد تكون هناك حالات اهم من حالتك !!
يااختي سيري لج مستشفى ثاني غير الكورنيش
شكـــــــرا… بس صراحه خوفتوني
ماعرف اليوم العصر بسير واذا شفت زحمه بسير مستشفي النور
المشاركة الأصلية كتبت بواسطة أم حمدان 2024 
ماعرف اليوم العصر بسير واذا شفت زحمه بسير مستشفي النور
لازم تفتحين ملف ويكون من الصبح أو الظهر ماشي زحمه ولا إنتظار إنتي لا تسيرين الطواري العيادات الخارجيه أفضل
تحملي يوم واحد نصيحه الكورنيش أفضل ولو عليه زحمه
المشاركة الأصلية كتبت بواسطة طي السنيين تحملي يوم واحد نصيحه الكورنيش أفضل ولو عليه زحمه
بصراحة أنا أيد كلامج ويا ما سمعنا عن الكورنيش فيها وفيها بس بعدنا نروح لها .. أنا بعدني ما بطلت ملف والكل يقول روحي أحسن لان لو سمح الله صار شي تقدرين تدخلين بسرعة مو توج إلا بتفتحين ملف..