مرحبا امهات شحالكن ؟؟
حبيت افتح هالموضوع يكون ملتقى لنا نحن امهات عيال مدرسة الظفرة الخاصة اللي في العين ..
خلونا نتعرف … و اناقش كل ما يخص امور عيالنا في المدرسة
بخبركم عني ,, ولدي ان شاء الله هالسنة كي جي 2 ,, و دوامهم اظني 27 -9 بعدني ما سرت اسجلة بس هو عندهم من العام و دافعتلة رسم التسجيل ,,
خبروني عنكن و عن عيالكن
الغالية أنا ما أعرف لأني من راس الخيمة
هلا اختي انا بنتي كي جي 1 اليوم سرت ودفعتلهم رسوم الدفة الاولى و استلمت ملابس لها و دوامهم انشالله 289
هلا راعية الموضوع…
انا داخله عرض.. اناولدي في الامارات الوطنيه.. بيسير KG2 ان شاء الله
بس افكر عقب انقله الضفره…
شو رايج انتي فيهم…؟؟؟؟
انا عيالي في الظفره
السنه بيكونون في kg1 & kg2 &grd4
تبين الصدق.. الkg اوكي بس في أشياء إداريه أنا مب عايبتني.. وممكن نتغاضى عنها بس مب في مصلحة العيال..
أبسط مثال حفل تخرج الروضه ما احتوى هذاك العام على أي فقره إماراتيه اقتصر على فقرات أجنبيه وعربيه غير خليجيه(هز يا وز)!
تنظيمهم صار في الاجتماعات مب اوكي
ما يهتمون بالمواد العربيه والدين مثل صف ثالث بنتي امتحنت النهائي فيما يقارب 6 دروس فقط من كامل الكتاب! هذا غير الزحمه في الصفوف انا اتشاور اني انقلهم بس للأسف المدارس في العين مب همها الكفاءه والجوده.. همها المادة (البيزات)
الله يعين..
المشاركة الأصلية كتبت بواسطة سلام العشق 
انا بعد سار ابوية اليوم و سجل ولدي و سجل اختي ويا بعض .. بس الملابس بسير ويا اختي تاريخ 15 تستلم الكتب و باخذ ملابس لولدي بس اللي لاحظناة انهم زايدين بالاسعار 15% عن السنوات السابقة
المشاركة الأصلية كتبت بواسطة كل الرقة انا داخله عرض.. اناولدي في الامارات الوطنيه.. بيسير KG2 ان شاء الله
بس افكر عقب انقله الضفره…
شو رايج انتي فيهم…؟؟؟؟
شوفي ردي لام سيف
المشاركة الأصلية كتبت بواسطة أم سيـــف السنه بيكونون في kg1 & kg2 &grd4
تبين الصدق.. الkg اوكي بس في أشياء إداريه أنا مب عايبتني.. وممكن نتغاضى عنها بس مب في مصلحة العيال..
أبسط مثال حفل تخرج الروضه ما احتوى هذاك العام على أي فقره إماراتيه اقتصر على فقرات أجنبيه وعربيه غير خليجيه(هز يا وز)!
تنظيمهم صار في الاجتماعات مب اوكي
ما يهتمون بالمواد العربيه والدين مثل صف ثالث بنتي امتحنت النهائي فيما يقارب 6 دروس فقط من كامل الكتاب! هذا غير الزحمه في الصفوف انا اتشاور اني انقلهم بس للأسف المدارس في العين مب همها الكفاءه والجوده.. همها المادة (البيزات)
الله يعين..
صدقج والله يا ام سيف ,,, حفلتهم العام ماكان فيها فقرة اماراتية لان كل المدرسات وافدات ف من وين تبين يسون فقرة اماراتية لو يشغلوني عندهم براويهم الهوية الوطنية على اصولها لووول
و اتعرفين مب كل الصفوف انا ولدي كان في صف اكثر شي اهتمام بالانجليزي و الماث مدرسة العربي مالتهم كانت حامل و مالها بارض لشي كانت ادرسهم اي كلام على اخر 3 اسابيع يابولهم مدرسة اسمها سمر حق العربي وايد فنانه ولدي الحروف اللي هي درساهم اياهن حفظهن اما الباقي لا يعتمد على المدرسة
و اتحسين الصفوف وايد زحمة المفروض يكونن اقل و المفروض الموارد التعليمية عندهم اتكون اكثر من جيه يعني احس يبالهم ينوعون اكثر في طرق التعليم
وعلى سالفة النقل ما ادري والله احس كل المدارس في العين نفس الشي ما عدا الشويفات احسها قوية في كل شي
اممممممم شو بعد اذا اتذكرت شي برد اقولكم
المشاركة الأصلية كتبت بواسطة الغلـــــا بقولكم شي لا تزعلون مني نحن على ايامنا ما دخلنا حتى الروضه سيده اول والحمدلله جيلنا اشوفه اعقل جيل واشطر
ليش الحينه تحطون عيالكم من الكي جي في مدارس خاصه!! والله كل عيالنا اختربوا بسبة هالمدارس الخاصه لانهم ما يدرسونهم عاداتنا ولا تقاليدنا ولا ديننا ولا اسلامنا..ولا حتى لغتنا…
ليش بهالسهوله تنازلتوا عن مبادئنا؟؟ عذركم انه دراستهم احسن انزين نحن كلنا تخرجنا من مدارس الحكومه وهذوا ماشاءالله جيلنا هو اللي بنا الدوله
زايد الله يرحمه ما كان دارس وفوق هذا طلع اعظم دوله
لانه اساسه كان صح اساه كان ديننا الاسلامي
والله اعرف بنات في الجامعه متخرجات من مدارس خاصه للاسف لا حجاب ولا حشمه ولا شي؟؟ والله حرام
وفوق هذا ياهل تدفعون له 15 الف علشان يدرس كي جي 1؟؟ هذا اكبر اصراف في ناس مب لاقيين ياكلون
لا تتضايقون من كلامي بس هالكلمه في خاطريه من زمان وحبيت اقوله
مع العلم كل عيالي وعيال الاهل كلهم في مدارس حكوميه والحمدلله من المتفوقين
وخوالي كلهم خريجين حكومه اللي مهندس واللي محامي واللي عقيد واللي دكتور
اخواني خريجين مدارس حكومه واحد يدرس القانون والثاني اقتصاد
عيال خالتيه طب واخته في المجلس النيابي
كلهم خريجين حكومه
وانا كيمياء
واختي هندسه
واختي الثانيه اعلام
وماشاءالله درجاتنا ومعدلاتنا A
وكلنا حكومه ما عدا وحده من خواتي فقط مدرسه خاصه ولضروف خاصه فقط
مآشآءالله عليج صدقتي ..~