شخبااااركم بنات ؟؟؟ عساكم بخير يا رب
ممكن اتفيدوني … الي اتعرف أو سمعت عن مدرسة ابو موسى الأشعري فرع الوثبه اتخبرني … اريد اسجل عيالي ( ولدي كي جي 1 ، و بنتي كي جي 2 ) و شو اسم المدرسات الزينات في هالمرحله ؟؟؟ رجاااااء لا تتأخرون عليا لأني لازم اتخذ قراري هالاسبوع بعد مشورتكم و صلاة الاستخارة .
و يزاكم الله خير عزيزاتي .
اقولج روضة السرور زينه في الشروق بنتي فيها كيجي ون بس ما ادري ايوصلون اول لا للوثبه وبعد عندج روضة الفرسان في شرق 7 بعد ممتازه واذا تبين خاص بني ياس الوطنيه في الشروق قويه والله
والله ايوفقج الوثبه ما عندي خلفيه عن مدارسها بس سمعت ان عندكم مدرسة البوادي للاولاد حكوميه مالت محمد بن زايد قويه و لو عندج ولد احسلج اتحطينه فيها وايد زينه
المشاركة الأصلية كتبت بواسطة alyazi 
والله ايوفقج الوثبه ما عندي خلفيه عن مدارسها بس سمعت ان عندكم مدرسة البوادي للاولاد حكوميه مالت محمد بن زايد قويه و لو عندج ولد احسلج اتحطينه فيها وايد زينه
أنا من سكان الشامخة … و عندنا روضات حكومية ، بس لأنها منطقة يديدة المدارس مب مهيأة عدل ….
بني ياس الوطنية كنت امدخله عيالي فيها ….
و أبو موسى الأشعري هي روضه خاصة و الي سمعت عنها انها أوكي في الدين و العربي و الانجليزي بس بعد أريد حد امجرب هالمدرسة أو سامع عنها ……..
ع العموم مشكورة عزيزتي و يزاج الله خير
لــــــــــــــــــــرفع ….
انا مرة سالت حرمه قالت انها ابو موسى الاشعري اوكي ونصحتني ان ادخل ولدي فيها وحاولت بس رفضو قالو نوبات الصرع لازم احتياجات خاصه مو عندنا والله يوفق الجميع
المشاركة الأصلية كتبت بواسطة امبرطورة بوظبي
أسأل الله العظيم رب العرش العظيم انه يشفي ولدج من الصرع ويطول في عمره و تشوفينه معرس يااارب و جميع ابناء المسلمين ياااارب
أنا بعد حبيت أستفسر عن نفس المدرسة أتمنى الأخوات يفيدونا