مرحبتين وأهلين وسهلين أدري وايد كسولة هالأيام ما أحط لكم وصفات
بس تعرفون الحريم وعيازتهم وطالعاتهم وعيالهم ماخذين علينا كل الوقت
المهم ما بهذرب وبدخل في صلب الموضوع
سويت اليوم حقكم مجبوس موش طبعا أكلة كويتية
بس يالله خلونا نجرب كل وصفات اهل الخليج شو خسرانين
هذي بطريقتي يعني مادري خواتي الكويتيات كيف يسونها
::::المقادير:::::
جيلتين عيش
دياي اربع قطع ومبهرة ( بهارات بنت الطموح ) دعاية خخخخخ
بصل مقطع
ثوم مدقوق
فلفل خضر
لومي يابس
بهارات حب مشكلة
كربته
بهارات منوعه ( كركم + سنوت + وبهار بنت الطموح+ وبهارمخلوط ناعم )
والأهم عدس أخضر مكسر
::::الطريقة::::
في الجدر نقلى الدياي ونقلبة نصف أستوى
وبعدين نحط بهارات الحب والبصل والفلفل الأخضر والماجي والثوم
وبعدين نحط عدس الموش والبهارات ونصب الماي عليه لين نصف الجدر
ونخليه يفور لين ينضى العدس والدياي وبعدين نحط العيش
وهنيه لما غرفت العيش ان شاء الله صحة وعافيه على قلوبكم
ياسلام عاد انا خاطري من زمان اعرف هالطبخة
تسلم ايدينج الغالية
وأن شاء الله لما تجربينها بتعيبج وايد
ومع الروبيان تكون أخطر بعد
تسلم ايييدج عالطبخه اللذيييذه
بس ممكن تعلمينا مقااادير الصلصه ؟
المشاركة الأصلية كتبت بواسطة أم عــــلي 
بس ممكن تعلمينا مقااادير الصلصه ؟
حبوبة الصلصة معبوج بحريني تلقينة في الجمعيه حذال
الأجارات
تسلم ايدج شكل الطبخه شهي
بس ها العدس هو الماش مال الكشري
المشاركة الأصلية كتبت بواسطة ام عبادي70 بس ها العدس هو الماش مال الكشري
لا حبوبه هذا عدس اخضر حبة طويلة
فيه كامل وفي منه مكسر