ليش الانسان لما ايوع يعصب !!! بالصور

:
.. ما ادري ان كنتوا معاي في العنوان اللي كتبته !! صدق انه احنا يوم انيوع نتوحش ونعصب !!
من غدا البارحة ما كليت شي ، اليوم الصبح ما حصلت وقت اتريق فقلت بما اني البارحة متغديه عيش اليوم باكل شي خفيف ، عقب ما ارجع من الدوام ، سالت اختي ان كانت تبا تسير تتغدا معايه قالت انها كلت سلطة في التقنية !!!!
قلت خلاص خلني ارجع البيت واتغدى من الموجود ( الحمدلله والشكر لله على النعمة )
لكن شفت الغدا اللي مسوينه هو تقريبا نفس الغدا اللي ناكله من اسبوع يعني ان كان في الاسبوع سبع ايام يطبخون لنا نفس الغدا خمس ايام في الاسبوع ( مثال صالونة سمج وعيش ابيض وسلطة الرويد لمدة خمس ايام من الاسبوع !!! )
ادري بتتفلسفون وبتقولون سيري انتي جابلي المطبخ (ماحبكم) انا فتاة حلوة عاملة ومافي مجال اشرف على المطبخ غير الويك اند ( اللي ادلع نفسي فيه بالغدا واخلي يرانا يوقفون بجدورهم جدام بابنا خخخخخ )
ما ادري ان حد منكم يعاني من هالمشكلة !!
المهم عصبت وانا ان عصبت شرارة ( ومن سمع صوتي قام يغني يا ليل دان ( وسلامتكم ) ..
وحليلي قمت ادور واحوس في هالنت اطالع صور الاكل
فاي وحدة يوعانة شراتي او اخس عني ، تزقر امها تشوف هالصور عسب اتشوف خلق الله شو ياكلون هب نفس الشي كل يوم ( يابوكم بطنا اتيبس علينا اهئ اهئ )
:
استعدوا للعذاب اوكيه
وصراحة هالصور حافظتنهن عندي في المفضلة عسب يوم اموت من اليوع شرات اليوم ايلس اطالع الصور واشبع بالنظر اهئ اهئ

اهئ اهئ

اهئ اهئ

اهئ اهئ

اهئ اهئ

بعد في بعد اصبروا عليه ..
.. اليووووووووووم انا بخرب ريجيمكم ( كيفي معصبة ) ويالسة اصيح من اليوع

:

اهوووء اهوووووء

اهووووووووووووووووووءااااااااااااء اهووووووووووووووءااااااااااااااااء

.. والسموحة منج يا امي العزيزة لاني عصبت عليكم ( لكن اليوع كافر )
والسموحة منكن خواتي لاني موتيتكم من اليوع ( لكن اليوع كافر )

والسموحة يا بطني العزيز لاني ما اكلتك ووصلتك مرحلة العصبية من اليوع ..

بما انج بنت حلوة وعاملة يعني تكدين ع بطنج –خخخخخخخخخ