السلام عليكم والرحمة
اشحالكن الغاليات….
ألف مبروك لكل الحوامل
والله يرزق الجميع يا رب
بخبركن بشي
أنا من حملت ونا ما أقدر أرقد
والسبة ضرسي…. مع إنه العصب مسحوب
بس ما أعرف ليش يعورني
ويوميا أصيح..
وطول الليل واعية…
أول مرة في حياتي يصير لي جيه..
إني أكون راقدة وأحس بعوار..
فذاك اليوم كنت يوعانة… ومب قادرة آكل.. خذت لي موزة وكلتها.. ورحت رقدت
رقدت وكأنه كلللللل شي عادي…. أبداً ضرسي ما عورني
ووعيت ونا ضرسي ما يعورني…
فجربته اليوم الثاني شفت نفس الشي… ضرسي ما عورني
اليوم الثالث ما كلت.. وما قدرت أرقد من العوار
جان أقوم وآكل لي موزة
والله رقدت ولا عوار ولا غيره…
ومن يعورني ضرسي أربع آكل موز
والله على طول يخوز العوار.. سبحان الله…
فحبيت أفيد الكل.. وأخبركن هالمعلومة…
عل وعسى تفيد الجميع يا رب..
وهذي تجربتي الشخصية.. أنا فلونة من سيدات الإمارات…. ههههههههههه
يللا… هجوووووووووووووم ع الموز…
زين والله .. بس أنا عندي التهاب لثة تعتقدي يفيد معاه الموز
وفـي حل ثاني ..
اتمضمضووون بـ ماي وملح والعوااار باااااااي …^
انا بحملي صاارت عندي آآآلاااااااااام بضرسي قمت ما اتحمله .. سرت للطبيب قاالي عندج ضرس العقل ولااازم عملية … قلتله حاامل وبالسابع .. فكييييييييييييف ؟؟؟؟؟؟؟؟؟
قاالي عااااااااااااااااادي جداا .. انتوا عندكم معلوووووومة غلط انه الحواامل ما يعاالجون اسنااانهم بالحمل ابد ويتحملوون الالم ما ادري ليش ؟؟ يعني الحرمة تموووووووووووووووووت عسب انها حااامل وما تبي تتعالج
عقبها بنجني بنج الحمل .. وجلع لي الضرس وسواالي خياااطة .. وعطااني مضاادات حيوية للحمل .. ووادوية استمر عليها عقب لمدة اسبوعين
وبالفعل والحمد الله قمت بالسلاامة عقبها وبنتي ربي يحفظها بصحة وعاافية ما فيها اي شيء ..
الغالية
التهاب اللثة علاجه جداً بسيط
هاتي قشر الرمان واغليه
وعقب تمضمضي بالماي…
صدقيني الالتهاب يخوز على طول
وبالنسبة لعلاج الضرس
مب أي حد يصير معاه
ربيعتي كانت في الثامن
ومات ولدها تحت البنج يوم كانت تبا تعالج ضرسها….
فالوحدة تاخذ حذرها
انا من دخلت الرابع ضرووسي كلها تعورني .. مب واحد ولا ثنينه كلهن 
بجرب طريقة الموز وان شاء الله تيب فايده
معلومه الي يعورهى ضرسهااا عليهى بالحليب ومشتقاته لانه سبب الم الاسنان عند الحامل انه الجنيني يمتص الكالسيوم والي فيهى كالسيوم شوي يعورنهى ضروسهى