مرحبااا
عندي سؤال للعرسات كيف تتصرفين مع ريلج بالأماكن العامه والمولات والمطاعم؟؟
اذا مسك ايدج مثلا او همس لج بكلمه حلوه وانتوا تمشون روحكم؟
واذا سولفتي مع ريلج بالفون او بمطعم كيف تردين عليه وانتي فمكان عام ؟
ادري السوالف تكون بهمس بس اييني احساس ان كل الناس تطالعنا وانحرج واقوله لاترمس جيه واتلعثم وماآخذ راحتي بالسوالف
ويوم نكون بمطعم مثلا مابيه يطالعني يوم آكل او يقولي كلام حلو او يرسل بوسه او نظره لي نهائيا
انا استحي وااااايد واقوله لاتمسك ايدي او تلمسني الناس يطالعونا وفشله وعيب
بصراحه احس بالإحراج وماعرف حتى كيف ارد واتصرف بهالمواقف
واحس هالشي يضايجه لاني اصده واكون رسميه وااايد معاه ومااضحك او اسولف
يقولي انا ريلج ونحن مانسوي شي غلط وكل المعرسين جيه ليش تستحين ؟
فسؤالي للمعرسات هالشي طبيعي وعادي ولا عيب وفشله ؟
وكيف اتصرف بحيث مااحرجه وازعله ولا احرج نفسي بعد
وهل هالحاله بتستمر معاي لفتره طويله او مرحله وبتعدي إن شاءالله
.gif "12 (7)")
نتريا نصايحهن
لني ابا استفيد 
شخصيا ما أمانع مسكـة الإيد والكلام الطيب ليش لا ^^
بس بطريقـة محد بيسمعهم غير الزوجــة طبعا
ومسكـة الإيد ألفـة بين الزوجين
مب عناق طبعا أو شي زيادة عن المسكـة مهما كان هذا مكان عام
وطريقـة التعامل تختلف من مكان لمكان في أماكن فاضية وفي أماكن زحمــة
وكل شي باعتدال حلو ^^
لا انه عشق وغرام برى ولا جفاف وبرود
و ربي يوفقج أختي
۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩
الصراحه انا ريلي يبوسني جدام الناس ويشيلني احيانا ويدور فيني صح استحي بس عادي اتعودت بتتعوديين حبيبتي مسألة وقت ..
هههههههههههههه فديتكم صدقتوا ..انا ابينله اني استحي واعطيه ابتسامه او غمزه بس ماصدة ومناكي لا استحي ولاشياته والله يسعد الكل..
المشاركة الأصلية كتبت بواسطة مـــــريم 
هههههههههههههه فديتكم صدقتوا ..انا ابينله اني استحي واعطيه ابتسامه او غمزه بس ماصدة ومناكي لا استحي ولاشياته والله يسعد الكل..
هههههههه اسميج خربوطه"عليج سوالف"كنت بعطيج رد من الخاطر بس شفت باقي ردج ونقعت من الضحك"الله يسعدج
الي يريحج ويريح ريلج سويه
مثلا انا واااايد استحي خخ
اخر مره يود فيها ايديه في
القرية العالمية استحيييييت
وحسيت الكل يطالعني ههه
واذا قالي كلام حلو ،، ابتسم
واحيانا انزل راسي لاشعوريا
من الاحراج
لكن مثل ماقلت لج الي تحسينه
بحدود الاخلاق والادب والعرف
الاجتماعي عندنا سويه وماعليج
من حد يالغالية ^__________^
السلام عليكم
انا بجاوب من اول شي آخر سؤال هالشي ما يستمر الغلا طبعا في البدايات مع بعض الازواج والشوق يزيد بس عقب ما تمر السنين يصير روتين وتعود وخاصه انه الطرفين ينشغلون لو كانو لثيينه يشتغلون ولو كان بينهم عيال
طبعا الموده والرحمه موجوده بس الشوق مب نفس الشوق الاولي
انا اتكلم عن ازواج طبيعين
الحين برجع لأستفسارج الاولي عن الهمس ومسك اليد جدام خلق انا اعتبره عيب بصراحه
الازواج احرار في بيوتهم يسون اللي يبونه لكن جدام الناس لازم يحترمون الناس
هالسوالف ما شفناها قبل من اهلنا
فيه ناس عادي عندهم انا مب عادي عندي .. ريلي اهون عني في التشدد .. بس يوم يشوفني جيه ما يحاول احيانا يسحبني عشان محد يدقني لو زحمه او يوقف مثل حارس المرمى خخخ تشبيه بليغ استحي والله نسولف ونضحك برع بس بدون ما نلفت النظر
قبل فتره في المول شفت ريال وحرمته متقابضين من لذراع لين الجف ما ادري شقا جنهم بيشردون عن بعض والله يلفتون النظر انزين ليش ؟؟ والله مب حلو جيه
حلالكم في بيتكم برع البيت احترمو الناس
وايد هذربت 
سامحوني .gif "12 (73)")