انا بنتي عمرها 7 شهور وتقوم في الليل 3 مرات تقريبا او اكثر
امهات ساعدوني كيف اخليها اتنام الين الصبح بدون ما اتنش ترضع .. ينتي ترضع طبيعي
وقبل ما اتنام اعشيها يعني اتكون شبعانه
ساعدوني…
شي كتاب انا شارتنه من مكتبة دبي للتوزيع اسمه حلول لنوم هانئ لأطفالكم وايد مفيد وحلو بس ادعولي الله يحقق لي اللي في بالي
فديتج قبل ماتنام اهم شيء ماتكون راقده العصر او المغرب..
وقبل ماتنام سبحيها ولبسيها وعطريها بشيء خفيف .. ودهنيها بكريم ريحته حلوه واقري عليها المعوذات وبترقد ..واهم شيء حفاظها نظيف وشبعانه ..حاولي شوي شوي اذا نشت تخلينها ترجع تنام بدون مرضعه بس لو بتسوب حشره ابرك لج رضعيها وبتنااام ,, يمكن الصدر مااايسدها ..
اختي هالشيء طبيعي للي يرضعون طبيعي
انا ولدي عمره سنه وشهر الحين وماشاء الله عليه يقوم مرات 4 مرات .. اذا تبين بنتج تنام زين شربيها حليب صناعي قبل لا ترقد او حليب صناعي مع موز .. وبترقد ويمكن تنشلج مره .. خاصه كل ما كبر الياهل كل ما كبر بطنه والحليب الطبيعي ما يكفيهم واايد فكل شوي يقومون يرضعون .. لازم تكونين متعوده ع هالشيء ..
الله يوفقج وييسرلج امورج .. بس الافضل الحليب الطبيعي ونادر ما نلقى حريم هالايام يرضعون عيالهم سنتين كاملتين فزين انج مستمره بالترضيع ماشاء الله
وبتاخذين اجر كبير ان شاء الله 
اذا حصتي حل بشريني
حبيبتي اليهال ما نقدر نتحكم برقادهم…انا اعيالي طلعوا عيني ما يرقدووون موووووليه….بس بعد السنتين يبدون ينظمون أرقادهم…
اذا تبينها ترقد الليل كله من الحين وتبين ترتاحين يوم بتنش البسيها بتصيح شوي وبترد ترقد هاي الطريقه الوحيده الي اتخلي الياهل يرقد الليل كله كلها 3- 7 ايام وبتتعود ترقد الليل كله طبعن بعد ما اتكونين امرضعتنها وامعشتنها وامبدلتها وما اتكون مريضه … اذا كبرت وبعدها اتنش فليل بتم على هالحال وكل ما تكبر كل ما اتزيد عدد المرات الي بتقوم فيها فليييل والله يعييينج ..