" كيف اسعده . . كيف انسيه همومه كيف اشوف البسمه بعيونه ,,,

بنات خلوني افضفض دام محد يعرفني..اكيد بتعطوني اقتراحات ..او شي ..بس اللي خلاني اكتب لكم جيه
" يوم ريلي قال كيف بنعيش دام وصلنا لهاي المرحله"اول شي رغم كل الظروف الحمدللله مب مقصر فيني ويحاول قد مايقدر يسعدني الحمدلله …بس والله كسر بخاطري اليوم يوم يقوول" كيف بنعيشششش كيف ونحن قاعدين نتسلف ؟"….عمره ماقال شي بس هالمره من ظيجه…على فكره هو معاشه 5000 مواطن درهم 2024 للديووون و3000 نعيش فيها ..واحين نحن ماكملنا حتى 10 ايام من بدايه الشهر
بجيبه بس 400 كيف بنعيش فيها؟؟؟من غير اصلا مسلف من امه تقريبا مسلف 9000 درهم …توه يقولي انا اسدد لمنو الدين لاهلي والا البنك دام ها معاشي…يقول كيف تبيني انسى همومي…حتى الخمس ريال والله نتظارب عليها حلفت بالله العلي العظيم…….اناالحمدلله اساعده قد مااقدر حتى هالشهر قلت له ماابى مصروفي اصلا مايقدر حليله ….لويقدر بيعطيني واصلا بدال المصروف صرف علي عسب العيد.مع اني شريت ماقال بس يكفي والاماعندي بسس صدج
3000 شو تعيش؟؟؟ومن غير الديون؟؟متى بيسسسسسسددد؟يقول كله يفكر بالدين ؟نصرف البيزات على عياده والا على دكاتره والا على دعمه سياره والا على تبديل تواير والا على تبديل ايل؟؟
مره دعمنا وطار معاش واحد على سياره…الله يخلي اهله مش مقصرين ولا هومقصر بس مب قادره
اشوفه جيه مستغمضه ابى اسعده..مره قلت له ببيع الذهب ماطاع ابدقال لا هذا ذهبج قلت له لا
ببيعه ماطاع….خاطري تفكرون وياي ..اسيروابيع الذهب من وراه؟؟؟؟؟؟؟ ترا انا اشتغل بس معاشي
معاش عمال..بحدود1500(مواطنه لان البعض حسيته يتحراني مب مواطنه لوول ))تخيلو تروح للسياره لاني متسلفه..وتخيلو اصلا اناماشتغل 3000 درهم
تعيش حد بهالزمن؟؟؟؟؟؟؟؟قولو لي…..؟؟؟؟افكربباجر لما نيييب يهال شوبنسوي؟؟؟ماباه يحاتي
توه يقولي كيف بنسى همومي والله بصيح ماباه يظيج ابى اسعده مب عارفه…حتى لو بالشهر جمعت 1000 ماقدر…لان الالف تمشي شهريا ع السياره والخمسيه للعيد اتشرا وتعرفون اغراظ العيد من غير يوم الوحده تربي لازم اتشرا لها شي مع ان ربيعتي عرسها هالاسبوع وماقدرت اخذ لها هديه
ولااعتقدباخذ…وصرت اتهرب يوم اشوف وحده تربي ماروح لها لاني عارفه حالتي ربيعتي ربت وطرشت لي مسج ماقدرت ازورها حتى لان مااقدر اشتري لهاهديه…بس في من هلي
متخرجات وييبت لهم لاني وايد وايد وياهم ورغم ان الهديه بسيطه بالقو بس تمشي…ولواصلا جمعت كل شهر 500 ترى اصلا لين اتريا الشهر الثاني الفلوس طايره..اصلا ماقدر اجمع ا تطيرالبيزات
مع ان نحن مش من النوع اللي يلعب ..من النوع اللي يحاسب..وكنتت اقط اللوم علي كله اقول انا اللي مخسرتنه مع اني ماشرا وايد بس مره اخوي انصدم قال معقوله معاش ريلج جيه يقولي انا 3000 اصرفها بيوم فكيف نحن؟؟؟بنات انا قرررت ابيع ذهبي بيييب شي؟؟؟؟
لان كل شهر جيه مانوصل 10 ايام من الشهر االا ماشي فلوس ونتسلف

رايكم.؟؟؟؟؟؟جمعيات مااقدر ادش لان المعاش مايساعد ولان اصلا ماعرف حد بيسوي جمعيات
مممممممم ماعرف ماعرف والله بس دعواتكم تتحسن ظروفنااو يخف ظيجه….والله اول مره اشوفه يفكررويظحك استخف الريال يظحك ويرد يبوز ….الله يحفظه ويحفظكم فكرو معاي

ولكن رغم ذلك اقول الحمدلله على كل حال الحمدلله على الشغل اللي اشتغل به والمعاش ولو انه مايييب اغراظ من الجمعيه حتى
ولكن اللهم لك الحمد كما ينبغي لجلال وجهك وعظيم سلطانك