العنوان الأفضل ,,, ليش نخاف نصرح عن تجاربنا بالتجميل ,,,,,
هلا خواتي وان شاء الله لايروح بالكم بعيد
انا بموضوعي ابغي افتح باب عن مشاركات العضوات في باقي المنتديات وخاصة المنتديات الكويتية والسعودية في صراحة بين العضويات وتجارب ومشاركه وتبادل بالاراء وخاصة بموضوع التجميل
لكن عدنا للأسف كل وحده تتحفظ او انها مب حابة تبين انها مجربة او تخجل ما اعرف الله اعلم شو نية اللي عندها علم وماتحب تفيد خواتها
ان كان مكان العياده او السعر او حتى شو نوعيه التجميل ,,, بالنسبة للمشتريات اعتقد
كل وحده تعرف تأخذ اللي يعجبها واللي يناسب بشرتها ومنتجات متعودة عليها حتى لو كانت اعشاب ,,,,, هذي بمتناول الجميع هالمعلومات وجوجل بعد مايقصر ,,,,
لانقص على اعمارنا ونقول مانبا نسوي او ما نحتاج
البشرة مع تقدم بالعمر تحتاج لمواد تعوض عن نقص مواد بالجسم او حتى تعبئة لمناطق معينة للجسم
او تعديل بعض العيوب الخلقية ,,,
عفوا انا ما أتكلم عن عملية تجميل بحت قص تغير الشكل عكس الشكل المطلوب لاني اعرف بيبدئون
البعض بالكتابة حرام وليش تغير خلق الله وكلنا دام نعرف نقرأ القرآن نعرف الحلال والحرام
مانحتاج دروس من احد … ونعرف حدودنا بالتجمل
ابغي اسأل عن الفيلر تحت العين
اللي مجربة غير عيادة كوزمسيرج تخبرنا ,,,
وشو رايكم بالدكتورة مريم العوبد ,,,,بالشارقة
جاوبو عادي محد يشوفكم ,,,,,
المشاركة الأصلية كتبت بواسطة ورقة ناعمة 
اللي مجربة غير عيادة كوزمسيرج تخبرنا ,,,
وشو رايكم بالدكتورة مريم العوبد ,,,,بالشارقة
جاوبو عادي محد يشوفكم ,,,,,
الغاليه تاكدي ان ممكن الفلر يناسبج ,
لاني سويت من قبل سنه بمنطقه بوجهي و الماديه كانت زينه بس سبحان الله الجسم ما تقبل
فقبل ما تسوين بمكان حساس نفس العين الأفضل تتاكدين ان جسمج بيتقبل الماده
تدرين ان في ناس ما يعيبها تقول
و بكل صراحه انا ما احب أقول انا وين اسوي لان بالنسبالي شو ( تعالو شوفو انا شو سويت )
او ممكن وحده تكتب عن تجربتها مع دكتور او دكتوره و وحده 2 تمشي عهالاساس و تسوي و ما يعجبها شغل الدكتوره او الدكتور و بعدها يتم ذم شغل
انا اشوف ان يفرق من ويه لويه و ملامح عملامح
بكل صراحه انا يوم اسوي و حد يسالني ارد بابتسامه
مجتمع الكويتي او أي دوله من دول مجلس التعاون طبيعتهم و اطباعهم تختلف عنا كليا
اختي الملعقه
ورقه ناعمه تتكلم عن المنتدى
يعني صدقها اهني لو وحده تكتب تجربتها محد يعرفها هي من الارض او من المريخ
دوم انا اسوي بحث عن منتج او شي ما تلقين منتدى مالنا يطلع معلومه او تجربه
يا منقول او
قاعده اتسوق للمنتج
يمكن انا بسوي شراتج لو وحده سالتني برد عليها بابتسامه لو تعرفني
بس لو ما تعرفني والله اقول عااادي
بس اللي يقولي بقوله ماعندي مشكله
المهم نرجع ل صلب الموضوع
ورقه انا ماعرف هالاشيا
بس اختي اصغر عني سوت مره
ويوم شفتها زغت اتحريت ريلها ضاربها قالت لي سوت فلر
وعقب كم يوم بيخف الورم
فعلا خف بس ما حسيت ف نتيجه واضحه
واظن اهي ما عيبتها النتيجه
وانا بعد بقولج على منتج قمت استخدمه
سيروم من ديرما وايت اوبجكتف استخدمه يوم هي ويوم لا
بس من ثان مره احس ب لسعات قرريت قالو عاادي لان هو مقشر
ويبيض بس مو البياض الغريب لا مجرد وين مغمج يفتحه
واتريا النتيجه
حلوو الموضوع وصج محتاجين مصداقية أكثر
أنا والله مالي بالسوالف هذه أبد لا علاجات بالعيادة ولا خلطات بروحي مع ان ودي أهتم لان وايد أحس بشرتي ووشعري مبين فيهم التعب لكن أخاف أجرب أي شي وودي أروح عيادة لكن أخاف أغامر صراحة.
انا الي اعرفه الموضوع مب جي
هالمنتدى ممنوع طرح اشيا فيها عمليات تجميل وسوالف التجميل وان حرام
بس اذا عن هالموضوع انا عن نفسي عادي اقول اني سويت بوتكس وفيلر حتى عمليه ل خشمي سويت