شخباركم خواتي
الحين ولدي عمره ثلاث شهور ونص ووزنه 6 كيلو بس شكله ضعييييييييف حتى ما فيه كرشه ولا غزوز
أي حد يشوفه يقولي ولدج وزنه طبيعي ليش ضعيف ويمكن حليبج ما يكفيه ويمكن ويمكن
بس يوم أراجع فالعياده والمستشفى يقولولي وزنه زين طبيعي طنشي كلام الناس
خواتي أنا أرضعه طبيعي وما أعطيه أي شي ثاني حتى الماي ما أعطيه
مقتنعه أن الحليب يكفيه لين ست شهور
أنتو شو رايكم … كيف أطنش كلام الناس مرات أوسوس وأقول فخاطري يمكن هو ضعيف وعنده سوء تغذيه وأنا ما أغذيه عدل وجي
بليز أفيدوني
اذا الدكتور قال مافيه شي,,,خلاص طنشي الناس,,,
شوفي الناس اللي في عايلتج او عايلة زوجج,,,يمكن الضعف شي طبيعي عندهم,,, و يمتنون بعدين,,, المهم صحته زينه,,,قولي الحمدلله,,,
الله يطمن بالج و يمتن ولدج
أنا وريلي ضعااااف
ريلي وزنه أقل عن 50 ويده أعتقد أقل عن 65 يعني العايله كلهم ضعاف وأنا يوم كنت صغيره كنت ضعيفه لين ما حملت بعدين متنت شوي
يعني الضعف متوارث عندنا
ويزاج الله خير عالإفاده
^^
آمين يارب
عادي أختي،، لا تهتمين لكلام الناس
أهم شيء كلام الدكتور دام قالج انه كل شيء تمام الحمدلله ل تحاتين
والله أنا قالولي نفس الكلام،، وخفت قلت خلاص لازم أرضها صناعي بس يوم رحت المستشفى ولله الحمد طمنوني
سويله فحص دم علشان تكونين مطمنه اكثر ووماعليج من كلام الناس ونوعي اكلج يوم تاكلين علشان اللي تاكلينه يوصل لولدج في الحليب والله يخليه لج
الــٍُــًِسلآلآمً علــٍُيكمَ ؤرحـٍُمةّ الله ؤبـٍُركـإأتهـَ ♥
ما عندي فكرة ولله ^_^ بس دخلت ادعيلج حياتي ^_^
الحمدلله .. دام ما شاء الله صحته زينه ما عليج من حد .. شو فايده الغزوز و الكروووش .. و أصلا اللي يعطون عيالهم الأكل و السكر من هم صغار يربكووون أمعاءهم و ها الشيء معروف عند كل الدكاتره..
إن شاء الله من يكمل ولدج 6 شهور بتبتدين تطعمينه .. ووو الله يربيهم إن شاء الله ..