مرحبا خواتي
كل عضوة متواجدة حاليا تكتب نعم او لا …. هالاستفتاء مهم جدا لحياتي الزوجية المستقبلية ….
قررت انتقل للعيش مع اهل زوجي و انا اصلا ساكنة بروحي من بداية زواجي …. وبعد مرور 6 سنين زواج قررت اسكن معاهم الحين … لظروف ممكن تكون عادية بس كحل مؤقت اذا الله اراد طبعا … و باصرار من زوجي … مع اني سعيدة جدا و مرتاحة في مكاني … بس وعدني ان يبني لي بيت في اقرب وقت ممكن … و السكن معاهم اكيد بيكون مؤقت الى ان يفرجها رب العالمين … بس مادري متى بالظبط سنه سنتين عشر ماعرف … هل قراري هذا صائب برايكم او لا ؟؟؟؟
ياليت تشاركوني في هالاستفتاء المهم جدا بالنسبة لي …
و اشكركم خواتي من كل قلبي .. و كل عضوة تشارك ربي يرزقها من خيري الدنيا و الاخرة و لا يحرمها السعادة و يبعد عنها كل هم و ضيج ياااااارب أمين
تعديل للرد لاضافة بعض المعلومات
عندي بنتين و بيعطونا غرفتين في الفيلا نفسها في الدور الثاني غرفة لنا و غرفة للعيال …. و علاقتي معاهم حاليا زينه … بس كانت امبينا مشاكل سابقا … وبس … نرجو من الله التوفيق 
على حسب
وين بتسكنين
في غرفه في فلتهم؟
او ملحق؟
كمن غرفه لج؟
عندج عيال؟!
وشو علاقتج معاهم؟؟؟؟؟؟
مع خواته وامه
بس شوفي طبعا في البدايه بتكون صعبه علييييييييييييج؟!\
لانج اتعودتي انج في البيت روحج
ف..يبالج وقت لين ما تتعودييييييييييييييين!!!!!!!
من ناحية الاكل واللبس وتحكمج في البيت وفي عياللللللللللللج
اهم شيء اتكونين زينه وطيبه وحبوبه معاهم
واتعاملينهم احسن معامله
حتى لو استوت حساسيات خليج الاحسن
اشوف لو في ملحق يكون احسن بعد
الله يفرج عليكم
وتبنون احلى بيت ان شاءالله
وانتي استخيري ربج واتوكلي على الله
ان شاءالله خير^_^
أنا أقول طيعي ريلج لو بيسكنج في تحت شيره اذا هوه انسان زين وخايف ربه
مشكورة اختي رفعتي معنوياتي شوي و خليتيني ارتاح … متوكلين على الله …
المشاركة الأصلية كتبت بواسطة فراشه البنفسج 
وعدني بكل خير و ان شاء الله يكون قد كلمته
استخيري ربج واللي فيه الخير بيصير بإذن الله …
وطيعي زوجج عشان الله يرضى عليج ….
ربي يسعدج ويكتب اللي فيه الخير …
الله يجدم لج اللى فيه كل خير يارب