مرحبا خواتي ,
من فتره بسيطه بديت اهتم بشعري
خصوصا ان اخترب وايد في الفتره الاخيره من الصبغات والقص >.<
فبغيت اسال اذا حد منكن استخدم كاب حراري ينحط بعد ماتحطين زيت او كريم للشعر
وهالكاب يفتح المسام .. واللي عرفت مفعوله مثل يوم تسوين حمام زيت في الصالون
اعتقد شي نوع يشتغل بالاستشوار واتوقع سعره 25 – 35 درهم
والنوع الثاني يي معاه وصله خاصه للكهربا سعره 140 – 150 درهم
واعتقد الثاني احسن من الاول؟ مالي خبره بهالشي بس هاللي عرفته من النت !
فاللي استخدمته وفادها او لا ..
يليت تفيدني واكون شاكرة لها ^_^
أنا اشتريت الأول
وصح نتيجته حلوه نفس حمام زيت في الصالون
بس بعدين عرفت ان الحرارة مب زينه للشعر
فالي حابه تهتم بشعرها مش المفروض تستخدمه بزيادة
وطبعا شعري مب ناقص …فركنته في البيت
أنا استخدم فوطة شعر قطنية بروحي مسويتنها
اووونه عاد صرت خبيرة ههههه
ويوم اسوي كريم او زيت بشعري أحط قطعة بلاستيك او كاب بلاستيك واحرر الفوطة
اشغل المغسلة على الماي الحار وقدامي الغسالة وفاتحه العصارة وعلى طول من الماي الحار على العصارة واعد لين ال ٣ وافتح العصارة واحط او الف الفوطة بسرعة على راسي وأخليها ع شعري لمدة ربع ساعة بس اكرر الحركة ٣ مرات بس
أنا عندي الكاب الحراري ماخذتنه من نزيه و مب متذكره سهره بس مب غالي اعتقد بالكثير 150 درهم مش اكثر
هو ما يطلع بخار مثل الأجهزة اللي في الصالونات، بس يعطيج الحرارة المطلوبة عشان يفتج مسامات الفروة وقت حمام الزيت،،، بالكهرباء طبعا مش سشوار،،، و الحمدلله أنا وااايد مرتاحة عليه و كمل عندي تقريبا أكثر عن سنة و نص تقريبا،،،
المشاركة الأصلية كتبت بواسطة شيطونة 
وصح نتيجته حلوه نفس حمام زيت في الصالون
بس بعدين عرفت ان الحرارة مب زينه للشعر
فالي حابه تهتم بشعرها مش المفروض تستخدمه بزيادة
وطبعا شعري مب ناقص …فركنته في البيت
ممم اللي فهمته منج انه فادج بس انتي خفتي تستمرين عليه؟
اتوقع مابيضر اذا استخدمناه بشكل معقوول خصوصا انج قلتي اعطاج نتيجه نفس الصوالين ^_^
المشاركة الأصلية كتبت بواسطة الورد الأحمر اووونه عاد صرت خبيرة ههههه
ويوم اسوي كريم او زيت بشعري أحط قطعة بلاستيك او كاب بلاستيك واحرر الفوطة
اشغل المغسلة على الماي الحار وقدامي الغسالة وفاتحه العصارة وعلى طول من الماي الحار على العصارة واعد لين ال ٣ وافتح العصارة واحط او الف الفوطة بسرعة على راسي وأخليها ع شعري لمدة ربع ساعة بس اكرر الحركة ٣ مرات بس
احسه سالفه الفوطه والعصارة عبااله وانا ماعندي عصاره الا صوب غرفه البشكارة لوول
وانتي كيف تقبضينه مايحرقج؟ فكرت مره اسويها
بس سالفه الماي الحار في الفوطه ممكن تحرق اليد فهونت عنها
المشاركة الأصلية كتبت بواسطة sa7el هو ما يطلع بخار مثل الأجهزة اللي في الصالونات، بس يعطيج الحرارة المطلوبة عشان يفتج مسامات الفروة وقت حمام الزيت،،، بالكهرباء طبعا مش سشوار،،، و الحمدلله أنا وااايد مرتاحة عليه و كمل عندي تقريبا أكثر عن سنة و نص تقريبا،،،
هيه بالضبط نفس اللي شفته في نزيه بس قالولي مخلص وسويت اوردر
واذا ماوصل بسير اشتريه من دراجون مول ^__^
بس خبريني حبوبه حسيتي اعطاج نفس مفعول حمام زيت الصالونات ؟
خبريني عن التغيرات اللي استوت وياج من استخدمتي هالجهاز؟
وشكرا ^_^
بنتي اشترت النوع الثاني
واستخدمته مرتين وما ادري وينه الحين