قصة ولادتي في مستشفى الزهرا

المهم ببدأ بالقصه

كااااااان يا مكاااااااااان في جديد من الزمان كان التاريخ 27-9- وكنت انا مكملة اسبوعين من الشهر الثامن.. المهم في هالتاريخ نزل علي ماي بس شووووووووي وزغت من السالفه واتصلت في ربيعتي جان تاخذني المستشفى ويكشفون علي وقالو ما فيج شي والرحم مسكر
المهم رديت البيت واليووووم الثاني اللي هو تاريخ 28-9- كان موعدي في مستشفى الزهرا عند الدكتورة اميرة لاني كنت اراجع عندها طول فترة الحمل
المهم انا ما سرت الموعد لانه هاليوم نزل علي ماي وااااااااااايد وقمت اخرس ثيابي وعلى طووول اتصلت في ريلي وريلي وحليله في بوظبي مداوم جان يتصل في امه وحتى هي في الدوام
ووحليلها اتصلت في ولدها الثاني واللي هو اخو ريلي وما قصر وداني مستشفى خليفه في عيمان
(اليوووووووم بطلع بلاوي المستشفيات كلها )
وريلي من بووووظبي طااااااير طيراااااااان وياي عندي وانا في المستشفى كشفت علي الدكتورة وقلت شو هذا ما في ماي قلت لها لاوالله انا جذابه يعني ؟؟؟
جان تقول لها السستر انا شفت الماي اللي نزل منها وهي واقفه في الممر وكان وايد
عقب ما كشفت علي الدكتورة قالت لي ترا نحن ما عندنا سرير حق اطفال الخدج كله فل اتصلي في مستشفيات دبي واساليهم وانا ما صدقت اتصلت على طووول لاني ما بغيت اربي في خليفه
وتخيلوووووووووووووووووو حتى في مستشفى دبي اونه ماشي سرير
ومستشفى الوصل قالو لي نحن ما نستقبلج لانج من الشارجه … احتررررررررت قلت وين اسير ؟؟؟ اربي في الشارع يعني؟؟وعقب الدكتورة في مستشفى خليفه قالت لي ادخلي غرفة الولادة
وانا وحليلي دخلت وبدلت ثيابي على بالي خلاص السالفه انحلت وبربي كل هذا وانا ما ادري ان مستشفى الزهرا يتحملون مسؤولية اطفال الخدج
جان اتصل في بنت خالتي واقول لها عن السالفه قااااااااالت لي انا بكلم الدكتورة اميرة وبشوفها شو تقووول وردت علي وقالت الدكتورة تقول هذي مريضتي المفروض اتيي عندي على طوووول
وانا بدبر كل شي المهم قلت حق الدكتورة في مستشفى خليفه اني بسير الزهراا قالت احسن لانه نحن ما عندنا سرير .. استغربت !!!!!!!!!!!!! يعني معقولة دخلتني غرفة الولادة وما عندهم سرير !!!
المهم انا طنشت وعلى طووول ريلي وداني الزهرااا وهناك الدكتورة كشفت علي وقالت مفتوح 1 سانتي وبتمين عندنا وبنعطيج طلق صناعي وبتولدين ان شا الله
المهم من دخلت الحجرة وكل شوي دكنورة تدخل وتكشف علي وكل شوي كم من سستر يدخلون علي
وكلما كشفو علي نزل الماي اكثر واكثر وعطووني الطلق الصناعي تحميلتين لانه الاولى ما فادتني والثانيه خلتني اولد يوم الثاني الصبح الساعه 8 تاريخ 29-9-
والدكتورة اميرة طبعا ما شفت ويهها الا جزة الولادة يعني خلاص يوم البيبي بيطلع
اتصصدقون البيبي كان يدفع نفسه بنفسه ويبغي يطلع والسسترا يقولون لي صبري لين اتيي الدكتورة
وانا كنت طالبه ابرة الظهر ولا عطوني اياها بس الحمدلله ولادتي كانت ميسرررررررة
وكلها تساهيل من رب العالمين وانصح كل حامل ما تمشي وايد في الشهر الثامن تريح قدما تقدر
ويوم اييها ويع الطلق تقرا اية الكرسي وسورة الزلزلة
وبسسسسسسسس هذي قصتي

والحمدلله على سلامتج وسلامه البيبي