السلام عليكم كيف الحال
انا ولدت قبل عشرين يوم وبغيت شي ينزل الدوره خلال عشرين يوم يعني لما اخلص الاربعين يكون نظف الرحم فهمتوني
والشي الثاني ابا استخدم تحاميل البوثيل ومادري عادي استخدمها او لا واذا عادي متى استخدمها وهل هي فعلا تنظف وتضوق واللي استخدمتها بليز تخبرنا بسلبياتها وايجابياها
واللي تعرف طريقه استخدام المسك للطهاره بعد تخبرني لاني شريته من عبد الصمد القرشي وما اعرف الطريقه وشكرا
ليش ما سيري عياده نسائيه احسن
المشاركة الأصلية كتبت بواسطة klo0od 
انا ولدت قبل عشرين يوم وبغيت شي ينزل الدوره خلال عشرين يوم يعني لما اخلص الاربعين يكون نظف الرحم فهمتوني
وعليكم السلام 
بخير يسرج الحال
بالنسبه للمشروبات انتي وذوقج …الحبه الحمره ..الحريروه..السحلب..جرفه ووايد غيرها
والشي الثاني ابا استخدم تحاميل البوثيل ومادري عادي استخدمها او لا واذا عادي متى استخدمها وهل هي فعلا تنظف وتضوق واللي استخدمتها بليز تخبرنا بسلبياتها وايجابياها
ماعرفها بس اذا جربتي ياليت تخبرينا نستفيد منج
واللي تعرف طريقه استخدام المسك للطهاره بعد تخبرني لاني شريته من عبد الصمد القرشي وما اعرف الطريقه وشكرا
ماحددتي اي نوع ماخذه لانه فيه نوعين المسك الابيض او الشفاف وهذا للجسم ويستوي تستخدمينه للمنطقه الحساسه بس برع مب مال داخل
اما اذا ماخذه مسك الغزال واييج لونه اسود فتاخذين قطرات قليله او حتى قطرتين بصبعج ولازم يكون نظيف وتمسحين به المنطقه من برع وشويه داخل بس لا تتعمقين وايد
وعقب خذي مسحه ثانيه وكملي فيها الين المؤخره
وبس ان شاء الله فدتج
ان شاء الله الحريم يفيدونج
اشربي الجرفة والحبة الحمرا عشان ينزل الوسخ الي في الرحم..
وعن تحاميل البوثيل استشيري دكتورتج احسن..
والله يوفقج
حبيبتي بخصوص التنظيف اشربي حبة الحمرا وزيدي الفلفل والمسك اذا الاسود حطي قطرات في صبعج ومسحي المنطقه بس من داخل شوي وبرع ووو تكون اخر يوم في النفاس وبخصوص التحاميل ما اعرف بس اذا طبيه تقدرين تسالين الدكتوره
تسلمووت حبايبي
يعني للتنظيف اشرب جرفه وحبه الحمرا
والمسك بعد الدوره
بس ماحد فادني بخصوص التحاميل بليز اللي عندها خبره ماتبخل علي