السلام عليكم
خبروني المستشفى وانا في شهري بربي جريب ان كلة الياهل موجودات في الحوض يعني نازلات تحت شوي ووحدة من الكليتين في اتجاه مختلف واتصلوا فيني قالو لازم يسوون له اشعة طب نووي عقب اسبوع من يستوي وكانوا يبون موافقتنا
انا ضايجة فيني الدنيا وكله اصيح حد صار له هالشي من قبل وشو اسوي الحين .. كلام الدكاترة انه شي عادي دام الكليتين شغالات بس ما يعرفون اذا الكليتين يشتغلون عدل والا لا عشان جي بيسوون أشعه ..
حد يفيدني ويزاكم الله الف خير
الحافظ الله اختي وان شاء الله بخير ..
وكلي امرج لله ..
ان شاء الله يفيدونج البنات ويريحون بالج ..
عني في حملي الاول قالوا لي بطن الياهل ما ينمو وقف عن النمو ولازم عملية .. وسويت العملية وعقب طلع كل شيئ الحمدالله سليم وطبيعي ..
الله يحفظه لج ويقر عينج بشوفته
أسأل الله العظيم رب العرش العظيم انه يفرج همج و يشرح صدرج…
رايي شوفي راي كذا طبيب لا تسوي شي بناءً على راي طبيب واحد
الله يقر عينج بشوفة ولدج سليم معافى يارب
انا ولديه مثل حالتكم وسوي الاشعه النووي وتوكلي لانه الحمدالله هشي بسيط من أمراض ثانيه وعقب النووي طمنينا شوة يقول الدكتور انا ولديه سفرته علاج خارج الدوله
ان شاءالله مايكون فيه الا العافيه ويكون كل شي سليم بدون زياده او نقصان ..الله يطمن قلبج
الله يجعله سالم معافى بدون زيادة ولانقصان ويطمن قلبج يارب العالمين .. تصدقي الغلا