غسالة الصحون!! ارجوكم افيدوني .

الغساله اللي عندي كبيرة اللي اتيج دورين..

أول مرة اجرب انزل صور وإن شاء الله تظهر..

[IMG]http://www6.****.com//07/18/14/114730773.jpg[/IMG]

كل اللي تسوينه تشترين قطع الصابون الجامدة الخاصة بغسالة الاطباق انا الصراحة ما شفتها إلا هني باستراليا لان الكل يستخدمها،، تثبينها بالمكان المخصص في باب الغسالة..
[IMG]http://www6.****.com//07/18/14/741661386.jpg[/IMG]

واتيج فتحة ثانية للي يستخدم الصابون السائل انا هني احط شوية خل عشان يعطي لمعة للمواعين..

المواعين لازم تنظفيهم من بقايا الاكل وتصفيهم بترتيب الاكواب لازم تقلبينهم عسب ما يتيمع الماي داخل الكوب انا أول مرة صفيهم بالطريقة العادية ما قلبتهم ويوم فتحت الغسالة لوووووووووول لاعت جبدي..
[IMG]http://www6.****.com//07/18/14/131561390.jpg[/IMG]
طبعا الجدور ما تنفع لها غسالة الاطباق ما راح تنظف لج عدل..

من برع انظفها بملمع الستيل بس للأسف غسالتي بالأصل كانت وصخة,, ومعلم عليها من برع آثار ماي وانا الله يهديني استخدمت ليفة خشنه عشان اطير البقع وانخدشت بس الوصاخة راحت.. ولازم دون اتنشفينها من برع ..

[IMG]http://www6.****.com//07/18/14/536096864.jpg[/IMG]
ومن فترة لفترة أحسن تشترين المنظف الخاص لها اييج مثل علبة تثبتينها بالغسالة و يوم اتشغلينا السائل المنظف اللي بالعلبة يغسل الغسالة من الداخل مادري إذا موجود بالامارات!! أكيد بس يبالج ادورين عليه..

وافتحيها من فترة لفترة عسب تتهوى ..

يوم تشغلينها لج 3 خيارات للغسيل fast << light >>normal

أحسن نتيجة النورمال واتطول شوي..

وهذا الصابون الجاف احط حبتين منه والفتحة الثانية مثل ما قلت ممكن استخدام الصابون سائل.. تلاحظين انه الباب رطب من البخااااااار الحار.. لازم بعد ما اطلعين المواعين اتنشفينها احسن او تخلينها مفتوحة شوي..

الصحون لازم تتنظف من بقايا الاكل

واخيرا المنظف للسطح الخارجي للأسف ما عندي صورة المنظف الداخلي ..