السلام عليكم…….
شواخباركم ….. عندي استفسار بسيط عن الرمان اللي ينحط في العيش …انا بصراحة وايد احب العيش اللي بالرمان اللي في مطعم حاتم الايراني……. فرحت القرية العاليمة وشريت من الرمان هذا…. بس وللاسف ما اعرف كيف اسويه واخلطه مع العيش …. الله يخليكم اي وحده عندها فكرة عن طريقة طبخه او تقديمه مع العيش ما تبخل عليه وبكون شاكره لها واااااااايد وبدعيلها كل ما اكل ههههههه…
شكرا لكم
انا بعد ادور الطريقة
حواء بقولج الطريقة بس ادعيلي الله يفرج كربي 
أول شي تطبخين عيش ابيض سادة طبعا تعرفين الطريقة (تفورينه وتشخلينه وتسكرينه)
أوكي
ها الرمان الي انتي شارتنه هاتي الكمية الي تبينها يعني تقريبا نص كوب ونقعيه في الماي نص ساعة وبعدين صفيه من الماي عدل عدل
وهاتي جدر أو تاوة وحطي فيه ربع كوب زيت وخليه يحر وعقب هاتي ملعقة كبيرة سكر حطيه على الزيت طبعا مع التقليب لين يصير لون السكر ذهبي وعقب طفي النار
وحطي عليه الرمان مع التقليب السريع لأن الرمان يحترق بسرعة
وبعدين حطيه في صحن
الحين تعالي للعيش بعد ما سكرتيه اغرفيه في صحن التقديم ثلاث أرباع الكمية والربع الباقي
اخلطيه مع خلطة الرمان بالزيت الي سويتيه وحطيه فوق العيش وافرديه
وبالهنا والعافية
تسلمين الغالية على الرد والشرح والطريقة والله يفرج همج ويريحج …..بس عندي سؤال …. لازم نحط سكر في الخلطه
هيه لازم
ولا تخافين ما بتحسين بطع السكر وممكن تقللين الكمية أو ما تحطين بس ماعرف كيف بيظهر
للعلم هذا مب رمان بس شكله يشبه الرمان
هذا من عائلة العنب وطعمه وايد حامض من جي يحطون له سكر عسب نخفف الحموضة
مشكوره من زمان ادور الطريقة