السلام عليكم ورحمة الله وبركاته
أنا مصيبتي اني متزوجة واحد عنده عيال من قبل وعنده ثلاث بنات من حرمته الأولية ومطلقنها والمصيبة انه بنته العودة الحين من العام تسكن وياي في البيت وهي وايد دلوعة وريلي وايد مدلعنها ويلبيلها كل طلباتها وأنا ملبوسة يوم اقوله عطني فلوس مايعطيني ولايصرف علي ولاريال قاهرني باط جبدي ويطلعها وين ماتبغي وانا من القهر ما اسير معاهم ولا اعطيها ويه ما دري يسوي جذي عشان يغايظ بي البارحة قلتله طلعني شوي السوق سوالي قصة وقام يهددني أني يالسة أخرب بيتي بإيدي يارب ماعرف شو اسوي معاه مع أني مامقصرة معاه ولا على البيت مساعدتنه في كل شىء وأشتريله هدايا بين فترة والثانية وهو قايل لي ان عندج اختيارين يا تختاريني يا تختارين السوق مب كانه مريض نفسي ولا انا غلطانة .
المشاركة الأصلية كتبت بواسطة الأمورة الحلوة 
أنا مصيبتي اني متزوجة واحد عنده عيال من قبل وعنده ثلاث بنات من حرمته الأولية ومطلقنها والمصيبة انه بنته العودة الحين من العام تسكن وياي في البيت وهي وايد دلوعة وريلي وايد مدلعنها ويلبيلها كل طلباتها وأنا ملبوسة يوم اقوله عطني فلوس مايعطيني ولايصرف علي ولاريال قاهرني باط جبدي ويطلعها وين ماتبغي وانا من القهر ما اسير معاهم ولا اعطيها ويه ما دري يسوي جذي عشان يغايظ بي البارحة قلتله طلعني شوي السوق سوالي قصة وقام يهددني أني يالسة أخرب بيتي بإيدي يارب ماعرف شو اسوي معاه مع أني مامقصرة معاه ولا على البيت مساعدتنه في كل شىء وأشتريله هدايا بين فترة والثانية وهو قايل لي ان عندج اختيارين يا تختاريني يا تختارين السوق مب كانه مريض نفسي ولا انا غلطانة .
الغالية الله يعينج
استحملي الغالية لان هي هي الحياة فيها المر وفيها الحلو
وبيفيدونج الي مجربات الزواج
مع تحياتي
بنت الشمال
امممممممممممم انا بصراحه ختيه ما لي خبره فهالسوالف وشرات ما قالت ختيه maryooma خواتنا المعرسات بيفيدنج …
بس ياليت ختيه لو تراعين ان هالبنية امها و بوها متفرقين عن بعض فأكيد هو بيعطف عليها وبيعوضها ..وانتي اتحملي بس خلاال الايام اللي هي موجوده فيها …اما اذا كان هو يعاملج جي على طول فبصراحه هي سالفه ثانيه بيفيدونج فيها الخوات …
وربي يوفقج ان شالله ويسعدج
لا حول الله حبيبتي خليج دبلوماسيه لانه الريايل ما ينفع معاهم الا الدبلوماسيه يعني اخذيه بالحليه ادلعي علي و دلعي بنته اذاهذا الا يرضيه سويه ليالي رومانسيه تري الريايل مثل اليهال ينقص عليهم و دلعيه و طبخيله الي يحبه من هالحركات
و الله المستعان
من رايي انج تراعين بنته جنها وحده من بناتج والله بيعطيج على قد احسانج لها ..
وهو يووم بيجوف معاملتج لبنته اكيد بيزيد حبج بقلبه .. وعقبها ما بيرفض لج طلب ..
بس صفي نيتج انتي….. وعلى نياتكم ترزقون … ^_^
اختي تحمليه الحين هو يفكر البنت فاقدة حنان الام عسب جي هو يحاول يرضيها باي طريقة ولا تنسين هاي العودة يعني فرحته الاولى بس مو توصل لدرجة يهملج والاهتمام كله عليها انت حاولي باسلوب حلو تناقشيه بالموضوع واكسبي البنت في صفج اذا هو شاف البنت متعلقة فيج راح تتغير معاملته لج وبتشوفين الحين هو يتراواله انج متضايقة منها انت بعد دلعيها حني وعطفي عليها وكل ماشافج ريلج زينة ويا بنته حبج اكثر وسوالج لي تبيه ولا تبينين له انج مضايقة من اهتمامه ببنته بالعكس
خليج طبيعية ولا تسالينه ودني ولا سوي لي ولا تحاولين تكولين له سوي لي واعمل ليش بنتك تسوي لها وخلافه يوم تشوفينه بيطلع وياها انت لبسيها ورتبيها ودلعيها راه يحس انج يوم تطلبين منه يطلعج مو لانج غيرانة منها بالعكس خبريه انج زوجته ولج حقوق عليه مثل ماهو له حقوق عليج ومن حقج انه يهتم فيج وخلي امورج عادية لاتشيلين اي شي في خاطرج من ناحية البنت لان البنت هي بعد تتعمد تلفت انتباه ابوها واهتمامه حكها تفتكر هي انج بتاخذينه منها تبى تعوض ولا تنسين شي مهم مستحيل الواحد يكون حنون على طفل اكثر من امه ولا ابوه لي يابوه ويوم تيبين عيال كل شي راح يتغير طبعا والله يقويج ويصبرج على فكرة انت كلت انج ماتعطينها ويه غلط واكبرغلط ترا من جي هو يعاندج سوي لي خبرتج عنه والله بيساعدج ويعطيج على كد نيتج الظاهر طولت عليج
موفقة
صراحه المفروض تكونين ذكيه يعني حاولي إنج تفهمينه إنج تهتمين في بنته و تحبينهه و تخافين عليهه لا تحسسينه إنج تغارين منهه أو مقهوره منهه و يمكن هو يسوي لج جذي عشان يدري إنج ما تحبين بنته و هو مايبي يكسر بخاطرهه مهما إنكان هذي بنته فخلي على طول أعصابج هاديه و لين بيطلع مع بنته طلعي وياهم صدقيني لو عودتي نفسج على جذي بتشوفينه تغير للأحسن ….موفقه حبيبتي