السلام عليكم ورحمه الله وبركاته
امهااااات بصييييييح تعبت
انا بنتي كي جي ون
تروح وترد بالباص
المدرسه مب بعيده وايد يعني شوي بس الباص يتم يلف ويلف الين ما توصل
وهي عاد لانه هدوء ترقد
مع اني ارقدها الساعه 6 ونص
والصبح تنش نشيطه والحمدلله بدون ضرابه ولا حن وزن
بس مشكلتي الباص واللف هو اللي يرقدها
شو اسوي كيف امنعها
ليش مشرفات الباص ما يسووا فعاليات او حتى يبطلوا اناشيد الروضه في الباص يتموا ينشدوا عشان ما يرقدوا اليهال
مب بس انا اللي اعاني من ها المشكله وايدين بعد
ساعدوني شو اسوي؟؟؟؟؟
يبالج اختي اتكلمي مشرفه الباص وقوليلها وضع بنتج وان شالله خير
المشاركة الأصلية كتبت بواسطة عنوود 
وانا معاها في راي
لا تسكتين وانتي خوفي بنتج وقوليلها
اذا نمتي في الباص مرة ثانية ما بتوصلين البيت
لازم الوحدة اتمي صاحية
ديري بالج لانه مره خوويه رقد ونسوه في الباص وراعي الباص رد بيته وكملنا يوم ندوره وبلغنا المخفر وتخيلي الولد نش ونزل من الباص في منطقه ثانيه وتم يمشي يمشي لين واحد في الشارع شله ووداه المخفر
يعني ربنا ستر