مادري لو الموضوع مكانه صح ولا !!
انا عرسي فالصيييف
لكن ودي اهتم بعمري ولادري كيييييف 
جسمي يباله ترتيييب عندي كروووشه و بعض الزوائد خخ
و شعري خفييف
بشرتي ماشي حالها و ماعندي سوااد وهالسوالف بس ابي
بشتري تتحسسسن وتحلوو لانها جاافه و تعبني
..
اممممممم ومادرررري بعد شووو انتو خبرووني شو يبالي
بما اني عروووس ^^
وتسلمووون
الف مبروك حطي لج جدول وامشي عليها اول شي ابتدي بالشعر لان علاجه ياخذ وقته والرياضه وبعدين بشرتج
.. صح كلام الاخت ابدي من احين شو تتريين@@
والله يوفقج 
ابدي بشعرج وسوي له حمام زيت وحطي له زيوت والمنتدى متروس وصفات
وبشرتج اعتمدي خلطات للبشره وحتى لجسمج سوي خلطات وتقشير وهالامور
وع الكروشه وهالامور الحين الشتاء ياي والجوء ولا اروع سيري امشي لو فاليوم نص ساعه
واذا ماتقدرين اشتركي بنادي صحي
ومبروك مقدما
وعقبال مانشوفج احلى عروس^^
سوي حمام مغربي فالبيت افركي جسمج بالسكراب، دهني جسمج بكريمات واهم شي الريول عشان ما تكون يابسه ومتشققه ولا تنسين تلبسين دلاغ..
اهتمي بشعرج سوي حمام زيت او كريم ع حسب نوع شعرج، مسحي ويهج بماي ورد..
الله يوفقج حبوبه ويسعدج…*
اول شي لا تضغطين على نفسج وايد.. اهم شي الراحه النفسيه
اشتركي في الجم و اختاري كلاسات حق شد البطن
او
امشي ساعه كل يوم و خلال اسبوعين بتنزلين 4 كيلوو 
============
بالنسبه للجـــسم نصيحه منـــي: منطقه الباط شليها بالليزر من الحين جلستين و بتفتكين
وحمام المغربي سويه مرا في الشهر و قد ماتقدرين رطبي جسمج بالكريمات و نامي من وقــت
حاولي اتوسين لج روتين خاص فيج و تمشين عليه عشان يوم اتعرسين ماتتلخبط امورج
و لا تصبغين شعرج قبل العرس باسبوع او شهر.. حاولي تتاقلمين مع شعرج الخفيف و تعتنين فيه بس
لا تحطين دهان اكثر من 20 دقيقه لانه يسد مسامات الشعر و بعدين يطيــح
ان شالله اكون ساعدتي و اذا عندج اي استفسار اسالي