عبايه الراس

السلام عليكم شخباركم خواتي ان شا الله بخير ………ان اليوم حابه اخذ رايكم وين احسن محلات نفصيل عبايه الراس وشو نوع القماش …لاني محتاره قلت افصل للعيد من الحين احسن بيكون… لان باذن الله ان شا الله في رمضان بسير العمره ومافي وقت قلت بستغل الفرصه وبفصل من الحينلاني ما عندي فكره عن نوعيه القماش ابدا …والسموحه منكم ………….

فديتج انصحج بقطعة الملكة او الفارسة بتحصلينها فمحلات بيع العبي فالسوق
ودام انج بتروحين العمرة خذي لج جاهز من هناك بس ماعندي فكرة عن خاماتهم

يمدحدون محل الحلوه..قطعهم ممتازه لعباة الراس..

في الامالرات تقدرين تشوفين محل المتحجبه يفصل عبايا الراس و عنده قطع للعبايا حلوه
أما فمكه فبإمكانج انج اتشوفين محل الشرقيه للعبايا

يزاكم الله خير اخواتي ما قصرتوو……

الحمدلله انا اللبس عباة راس من 6 سنين
وعباتي الكل يسألني ووين افصلها
بقولج تراني من العين
القطعة
فارس بس فيه نوعين
1 و 2
انا افصل 2 تيج طايحة و فيها لمعة بسيطة و ما تتجسف بسرعة ووووووايد حلوه
وفي خامه اسمها المها
ما جفتها الا عند حناين بس ما جربتها بس شكلها حلوه
وفصليها مسكرة بس فيها فتحة حق الراس
و فيها غشوة
من ورا طبقتين وحدة غليظة و وحدة خفيفة
و الايد نفس ايد العباة العادية بس فيها خيط حق الصبع
و عشان ما تتبهدلين خلي يسويلج بلاستيك يثبت العباة فوق الراس عشان ما تطيح
يكون تحت الذقن
و السموحة

محل الحلوه خاماته وتفصيله حلو ……….