السلام عليكم ورحمة الله وبركاته
اكتب لكم موضوعي عن تجربه شخصيه والله
ويهي ماله علاج من اثار الحبوب والحفر الي شوهت لي وجهي
ومره سرت عند دكتور استشاري تجميل
دكتورة جلديه دلتني عليه وقالت مالج علاج عندي
لان وجهي راحت منه الحبوب وبقت الاثار والحفر
لما سرت له قالي باختصار العلاج في مرحلتين
اولا. بيسكر لي المسام المفتوحه لانها واضحه وكبيره
وثانيا بيسولي تقشير عميق جدا يخفف الخفر بنسبة سبعين بالميه
والمرحلتين لازم تتم تحت عمليتين بتخدير كامل
انا خفت في البدايه وعقب توكلت علا ربي وسويت الاولي
وشفت نتائجها حلوه
وبعدها بسنه اللي هو قبل اسبوع سويت المرحله الثانيه
وكانت اروع من الاولي ماشي حفر لكن يبالها صبر
لان مدة اربع ايام بعد العمليه وجهي كان مغطا بشاش ابيض
والحين وجهي لونه وردي علا احمر قال بعد اسبوع بتشوفين نتيجه حلوه
علا فكره الدكتور موجود في مستشفا المفرق ومجانا العمليتين
وارتحت من الادويه وخسارة فلوس عالفاضي
وسلامتكم
تسلمين حبوبه
can we use theqa or thaman card in the hospital.. Thanks a lot for the topic
مس السويدي هلا وغلا
الله يسلمج نورتي حياج
مرحبا الغاليه شو اسم الدكتور لاني انا اعاني من الحفر الي كانت بعد العلاج وبغيت اسألج عن التخدير انا الي سمعته عن التقشير العميق ما يحتاج تخدير اصلا ……… وموفقه عزيزتي وان شاء الله تشوفين النتايج الي ترظيج
تميز حياج يالغلا
تستخدمين ثقه في العلاج
انا استخدمتها ونفعني علاجه عمليتين وخلاص
وقال لاتستخدمي اي دوا الا واقي شمس
كله خرابيط ومؤقت
ام محمد هلا ومرحبا
اسمه دكتور رويتر اجنبي استشاري ولما تسيرين هناك قوليلهم ما أبا غيره
لانه الوحيد اللي يعالج هالاشيا الصعبه
والي سوالي اياه تقشير صعب ولازم تخدير كامل قال لانه عميق وايد ومايسونه برع
وتمين في المستشفا يومين ويبالج تصبرين
اليوم بانت معاي النتيجه بعد سبع ايام من العمليه
حتا نفسيتي كانت تعبانه لأني مالقيت تشجيع من الأهل