عااااافك الخااااااااطر خلالالالالالاص

بس حبيت اوضح شي ريلي ( حتى طالعه الكلمه بدون نفس) مش خالي من الحب واو مش متعود على هذا الكلام
ودليل ان يكلم خواته بحب وحتى يقولهم ( حبيبتي فديتج والخ ) تخيلن حق خواته يقول حقهم كذي وانا ما يقولي ليش مادري؟ يمكن انا البطه السوده
مع ان محد جبره ياخذني بس فالح يقول آسف كرهت الكلمه لان ماله معنى وين اصرف هذي الكلمه؟دام هو ما تعلم ولا تأدب من الموقف

ولا بعد بقولكم موقف بتموتوا قهررررررر مره كنا نتكلم ونسولف وقال كلمه ( حبيبتي ) وانا والله من سمعته طرت فرررررح وقلبي يدق بقووه واشوي قالي اوه طلعت بالغلط مادري كيف طلعت من لساني قلبي مات مليون مره والله قهرررررررررررر

هذا مضايجني وايد ليش انا بكون زوجته وام عياله فالمستقبل مستخسر علي كلمه حبيبتي؟
اذا هو ما قاله منو بقولي ؟ يعني اروح اكلم غيره عشان احصل الحب وكلام الغرام؟ والله بنات ان وايد محتاجه حق حد يوقف معايا ويغمرني بحنان والحب حتى في ظروفي ما احصله واقف معايا ولا اقدر افضفض عن خاطري واذا قلت في خاطري او زعلانه من حد يغير موضوع ويتم يتكلم واذا هو متضايج اكون معاه ليييش يعاملني كذي قهررر

انا كلمته البارحه وكان عادي يسولف ويضحك ولا همه شي انا ميته قهر وهو طالع ومستانس ويضحك ولا فكر فيني ولا شي حتى ما تكلم عن الموضوع ولا شي

وغير اهله مش طايقتنهم ابدا معقدين وايد على زله وحده يكبروا السالفه مسوي جريمه حتى هم يغلطوا على اهلي ويظنو انهم مستواهم فوق وعالي

ما مرتاحه

اشيا وايد ما كتبتها لو كتبته ما بخلص