طريقتي في عمل البيزا لزوجي الغالي

بخـــبركنـ اليوم ســــر يديد ومن اسرار مطبخ عواشهـ ..

تذكرون يوم اخترعت اللبنه .. في البيت .. ها المرة بخبركم عن البيزا الي ريلي يتخبل عليها ..

وبعد اليوم كان خاطري في سحلب . رحت المطبخ وخبصت وطلع لي شي يشبه السحلب .. ان شاء الله بحط لكم موضوع عن طريقته ..

بس خلونا الحــــــين في البيزا >>

1) مقادير العجينة ..

كوبين طحين رقم 1
نص ملعقة خميرة فورية
ملعقة بكن باودر
3 ملاعق حليب جاف (بودره)
ذرة ملح
فنجان سكر
ربع كوب زيت نباتي

## طريقة العجينة ..
نخلط كل المقادير الجافه مع بعض ..
نصب شوي ماي دافي لين تتكون عدنا عجينة .. تقريبا نص كوب ماي ..

انكور العجينة وانصب عليها الزيت .. انخليها تتخمر لمدة ساعه ..

2) مكونات الصلصة ..
حبتين طماطم كبار مقطعه قطع صغيرة
ملعقة معجون طماطم
ملعقتين كتشب
ملعقة صغيرة اوراق الزعتر
فلفل احمر بودر .. ملح .. فلفل اسود

## الطريقة :
نحط كل ها المقادير في تاوه صغيرة على الغاز .. انقلبهم وانغطي عليهم .. انخليهم 10 دقايق لين ما يذبل الطماطم ..

وجي بيكون شكلهم

مقادير البيزا ..
بصلة مقطعه دوائر
طماطم مقطعه دوائر .. او نص دائرة
فلفل اخضر كبير (بارد)
زيتون اخضر او اسود او الاثنين .. انا ريلي ما يحب الاسود ,,
مرتديلا على شكل دوائر صغيرة
جبن موزريلا
واذا حابه بعد حطي مشرووم ..

بعد ما تتخمر العجينه نفردها بالعصا الخاصه بالعجين .. على شكل دائرة وانحطها في صينية البيزا
انخليها تترتاح لين ما انحظر الصلصه ..

* اول شي انحط الصلصه ..
* عقب باجي المكونات .. ابتداءً من البصل .. وانتهاءً بالجبن ..
* اندخلها الفرن على درجة حرارة 180 .. لمدة ربع ساعه او لين تحمر شوي ..

وها شكلها النهائي ..

..

..

..

صحتين وعافية ..

لا تنسوني من دعواتكنـ الحلوة ..

شكلها لذيذ

تسلم ايدج يالغلاا

أنا بصراحة ماحب أطبخ شي فيه معجنات
بس بصراحة شجعتيني أسويلهم مرة جي

مم انزين البصل ما تطبخينه قبل
ولا تحطينه دايركت ؟

(=