هلا شحالكن
بغيت اسالكن شو رايكن في فساتين ميثاء المطروشي والي تعاملت وياها ..؟؟
شو رايها فيهااا ؟؟؟؟؟؟؟؟؟
انا من يومين كنت عندها ….عرس ربيعتي عقب شهر واتصلت لها وسرنا لها …بس بصراحه ما حبيت اسلوبها ابد
أولا : هيه مب موجوده عاطيه التلفون حق الفلبينيات اللي عندها وهن يردن عليج وما استقبلتنا لانها بعد مش موجوده واذا عيبج اي فستان هن يتصلن فيها ويخلونج اتكلمينها
ثانيا : يوم كنا سايرين عندها كانت وحده من العين هيه وخواتها يايين عندها عشان تختارن لها فستان …اتخيلي مساكين طالعين من العين الى عجمان ….حتى قطرة ماي ما ضيفتهم …يعني عيب بصراحه ….عالاقل الواحد يحط دلة قهوة وفناجين ….خصه الناس اللي يايين من درب …واتخيلي حتى يوم تطلبين شي من الفلبينيات يقولون لج " ماااااشي " احنا مب فاضيات …اتخيلي الوقاحه يعني الواحد مب ساير عشان ياكل والا يشرب بس من الذوق والكرم " اكواب ماي عالاقل " وانتي تدرين انج مواعده كذا وحده
ثالثا : المكان فوق عند الفساتين مش مرتب ابداااااااااااااااااا
رابعا : ما تنقصج ولا فلس وكلمتها وحده " وحليلها راعية العين غمضتني اتقول ما في الف وامها بعد مسكينه داقين درب ويوم عيبها الفستان وكلموها في التلفون قالت لهم ب " 15" الف ,,,, مع انه الفستان للمره الثانيه ينلبس ..واتقولها الام عالاقل نزلي لنا السعر شويه اتخيلي قالت لهم تبونه ب15 ما تبونه كيفكم …يارببببببببببيه انا بصراحه وااايد انقهرت من هالاسلوب وعطينا البنت وحليلها رقم ندى اللي تأجر فساتين في الشارجه
واخير : بعد ما اترينا 3 ساعات ونص ما عيبنا ولا فستان " خسارة الوقت اللي ضيعناه عندها فالبيت ….
عاد كل حد وذوقه
وهذي سالفتنا وياها
اتمنى تكون اخت انوثة امرأة فادتج ولو تبين حد غير شوفي ندى العلي في المنتدى هني عندها فساتين واااااااااااايد حلوه وتعاملها راقي ومحترم نحن تعاملنا وياها ولها صفحات هني في المنتدى واتمنالج التوفيق
مي تو اقول طالعي ندى العلي اللي ويانا فالمنتدى الصراحه شي شي
وان شاء الله ان شاء الله باجر فستان عرسي من عندها
ممكن لنك ندى العلي؟؟؟؟
الغاليه ريم في عيمان فنانه
وميثاء اول ما طلعت كانت معاملتها حلووووووووووووووووووه بس الحين بطرت الله يرحم
ميثاء اصلن مول ماتظهر كله الفلبينيات الي يقول ياين نأجر عند الفلبينيات
حتى اربيعتي اجرت من عندها وماطاعت نقص نفس الشي اتصلوا فيها وقلت بعشره وقالتلها البنت بتسعه ماطاعت
وفي وحده اعرفها امها تعرف ام ميثاء ورمستها ونزلت الها من عشره لين ثمانيه
انا بصراحه محب اليي جه بس لوتعرفهم بتنقصلهم