السلام عليكم ورحمة الله وبركاته ..
انا سالفتي سالفه الله يسلمكم لمن كان عمري 18 سنه زوجوني هلي لواحد من قرايبنا بس سبحان الله ما الله راد انه نكمل مع بعض والي اكتشفته عقب انه اقرب الناس لي الي اهي عمتي سوت لنا عمل والصرااحه كرهت كره ما كنت اطيقه فتطلقت منه بعد 4 شهور سبحان الله بعدها جاني واحد من اهل امي ومو متزوج الله يشهد كنت احسه يحبني وانا بعد حبيته لطيبه قلبه تميت مخطوبه له 5 اسنين وبالاخيير راح تزوج وحده ثانيه اهله اقنعوه فيها الله يوفق الجمييع هاي كله مب سالفتي السالفه انه اتقدم لي واحد من اهل امي بس المشكله اني ما كنت مقتنعه فيه بس شفت امي مصره تميت اصلي استخاره واهم الله يهديهم كانو يبوون الرد بسرعه ما خذت وقتي ف التفكيير المهم ردت عليهم اني موافقه ف الاخ ما قصر ياب الشبكه والفلووس بس انا تميت اصلي واصلي استخاره بس حسيت اني مب قادره اتحمل احسه مب الشخص الي يناسبني بس امي متمسكه فيه واايد اتقوول اني مطلقه وهالزمن البنات قااعدين انتي منو يااخذج مع انها ما كانت جي ابد يا ما ما كنت مقتنعه وكنت ارفض ما كانت اتعلق بس هالمره ماادري ليش لدرجه اني اتصلت في اهله وقلت لهم اني مو مرتاحه وافهموني يا ناس ماابي اعييد تجربه واو اخوضها وانا مب قدها ماابي اظلمه ولا اظلم نفسي وياه انا مااحبه احسه ما يعتمد عليه تخيلووو ما يشتغل وما عنده بيت ومو دارس شاسوي كل مااقول اني ماابيه امي تزعل وما اتكلمني الله يشهد اني اصلي وادعي واقرا قران واقرا شوره البقره في القيام واحاول مااغضب ربي في اي شي شووروو علي شااسوي دخيييلكم ساامحووني بس نسيت نقطه مهمه اكتبها انا ف هالفتره كله كنت احلم انه توديني اماكن ظلمه وانا اقنعها ف الحلم واصيح واقول لها هالطريج مااباه بس سبحان الله ف كل حلم اتقولي تعالي وانروح اماكن مثل الجسور وما نقدر انكمل وفي الحلم يطلع لي طريج فيه نور وارتاح وهالشي مخليني اصر على رفضي ولمن اقولها اتقول لي انتي مو من الانبياء عشان حلمج يتحقق..
كلمي ولي امرج ابوج و لا اخوج
الله يعينج الصراحه
صلي استخاره مره ومرتين وثلاث
واله بيخيرج انشاء الله
شوفي حبيبتي
من وين بيصرف عليج؟؟؟
و استخيري و فكري
حطي مميزاته و سيئاته و اخذى وقتج
لي رجعـة’ ان شاء الله 
كلمت ابووي اهووو عاادي لانه اصلن ما كان مقتنع فيه بس لمن شافني موافقه ما عارض والحيين بالعكس وااقف معاي بس امي والله اني كله ادعي ربي ما يحرمني رضى والديني شو باخذ من هالدنيا اذا غضبو علي