صراحة انتو تثيرون العجب !

شحالكم .. ربكم بخير و سهاله

العنوان .. يمكن تقولون عشان الفتكم .. بس اقولكم من الحين ما اقصد الكل .. اقصد فئه معينه من البنات .. بس جمعت عشان الكل يحدر و يعطيني رااااايه لاني صراحه متعييبه منكم ؟؟

أولا .. محد كامل في الدنيا كلنا فينا عيوب .. و طبعا كلنا نحاول نتخلص منها .. حد يلاقي حل و حد لا
و حلو منكم تساعدون بعض و تشاورون بعض و تستفيدون و انا دايما اتابع المواضيع و اجرب لي احس يمكن يحل لي المشاكل لي اعاني منها ..

من دون ثانيا.. اناااااا استغرب من الي ينزلن موضوع .. عشان عمليات التجميل .. وحده خشمها و وحده صدرها و وحده راسها والي يكون .. ما بظلم يمكن حد فيه "" عيب خلقي "" .. لكن لي ما فيها شي و تبغي الجمال و الكمال .. من متى العمليات حلال؟؟
ما يكفي انه حاطين لكم موضوع مثبت عن حكم عمليات التجمييل؟؟؟؟

و هذااا هوو حق لي ما قد شافته .. او طنشته بالاحرى ..

http://forum.uaewomen.net/showthread.php?t=421294

البنات يزاهن الله خير يحاولن يساعدن .. و في ناس مبتليين مبتلييييييين و انتو تلعبون بفلوسكم بس طلبا للجماال
طيب نسيتو الاخره ؟ يعني ع بالكم بتعيشون للابد ؟؟؟
الحين ظامنات العمليه تنجح و ما تضركن ؟ والا خلني اقول
ظامنات تعيشن باجر؟ والا تعيشن اليووم ؟
الانسان يصبح ما يدري بعمره بيمسي والا الا
و الا يوصل الليل ما يدري بعمره بيقوم الصبح !!

ما اريد افتي .. لكن الي يسوي شي حرام هاذي معصيه ..
و اعتقد لي ايي يقول في المنتديات .. هذا يسمونه مجاهره بالمعصيه ..
يعني كأنكم تقوولوون .. نحن نعصي ربنا SO WHAT ??

والله اني اضيق يوم اقرا هالمواضيع .. مرات ودي ارد بس ادري كلامي ما بيعيبهم فأتم سااكته و متغصصه منهن ..

بليز بنات اعتبرنها نصيحه .. اذا انتي ربج خالقنج بخير لا تلعبين بنفسج .. في ميت حل تقدرين تحسنين من مظهرج .. بالحلال .. ليش نروح للحرام ..

والله في ناس فيهم عيوب مشوهتنهم و ما يقدرون يدفعون تكاليف العمليات ..
و انتو مب متشوهين و لله الحمد .. لا ترمون نفسكم الى التهلكه ..

و الله يهدي من يشاء …

قبل لا انهي موضوعي ..

ارد اقول اني ما اجمع و لا اقصد شخص معين .. و كل حد يعرف نفسه هو محتاج صدق يسوي عمليه .. والا لعب .!!

ما بقول ما اريد ردود تغث .. العكس اتريا اشوف حد يناااقضني ف كلامي ^.^

وماقصرتي …وانا حطيت الفتوى لان كل وحده تعرف نفسها اذا صج محتاجه للعمليه لتشوه ولا بس جي