السلام عليكم ورحمة الله وبركاته
شحالكم؟؟
حبايبي ابا اسأل عن صالون مرام ف الشارجه .. وبالذات عند الماكييره مريم ..
شو رايكم ف شغلها ؟؟
عرس ربيعتي شهر 6 وللأسف تأخرت واااايد ف اني احجز عند حد من الماكييرات
ف ابا اعرف شو رايكم فيها ؟؟
واذا يسوون تسريحات بعد حلوووه ومرتبه؟
وشو رايكم ف ميكاب وتسريحات صالون الروعه ف الشارجه ؟؟؟
مريم عيّاش راعية صالون مرام جدييمه وايد و خبرة من سنيين يوم كنا يهال الحريم يتعدلون عندها ^.^
و انا جربتها مره وحده قبل 4 سنين و عيبني المكياج كان ناعم و راقي و يبرز الجمال بدون دفاشة
و اذا تبغين وحده مجربتنها من قريب اسئلي العضوة β♥Ṣ كانت متعدله حق ملجتها عند مريم قبل 3 ايام
هذا رابط موضوعها : http://forum.uaewomen.net/showthread.php?t=713251
و السموحة ع القصور
اممممممممممممم يزاج الله خير ماقصرتي
بسألها
موفقه
للرررررررررفع
اذا بتحجزين خلي مريم اتحطلج مب اختها مريم فنانه بمعنى الكلمه وانا من سنة 99 اتعدل عندها لين يومج هذا
يمدحون مكياجهم بس صارلي موقف سخيف وياهم فعرسي وزلزلت الدنيا عليهم، الين سبع وشي محد ياني القاعه وتلاحقوني من صالون ثاني وعدلوني حق العرس وحضراتهم هاييل من خمس العصر وهم يقولون يايه وتتصل تتضحك ويا حد وياها وترضخ بيبان سياره وتقص على تقول عالطريق، توبه أنا او حد من صوبي يسير لهم