السلام عليكم خواتي
الصراحة انا اتلعوزت مع سالفة النقاب و كل ما سرت المول و السوق يعتفس شكله من جدام مكاان الجبهة و اتوهق..بنات ممكن تحطون طريقتكم في لبس النقاب و كيف تثبتونه عسبت ما يطيح او يخترب شكله من جداام مع اني عندي نقاب المطاط و يايبتنه من المنتدى بس ما عرفت البسه زييين
بليييييييز الفزعة خوااااتي
انا نقابي قطعه مثل الكويتيات وايد اريح اللبسه ويعدين اللف الشيله
البسي الشيله عادي وبعدين حطي النقاب وفوقه الغشوه بتطلعين ترتوب لو الغشوه من الشيفون واقل شي تكون 3طبقات
نسايم روح و طبعي وفي
تسلموون حبوبات عالرد
الي اقصده خواتي كيف اثبتها من جدام صوب الجبهة لإنه تتجرسف و تطيح بسرعة يعني كله تخترب و يكون شكلها مب مرتب
سمعت في بنات يقولون البسي القمطة تحت الشيله ..انزين هاي وين احصلها فرااك؟؟
أنا البس النقاب الي تربطينه من ورا مب لاستيك وايد مريح ويكون ثابت وايد موجودات عدنا وأحسن عن المطاط وغيرة
فيه نقاب العادي الي ينربط من ورا بس تقدرين تنزلينه من تحت اذا بغيتي تاكلين وترفعينه واحط غشوه من ثلاث طبقات يوم احطها ع راسي من نص الراس من داخب مسويه ربطه اربطها شرات يوم تربطين شريطه ع راسج نفس الطوق وتكون الغشوه ثابته والنقاب مرتب ..
وهالنوع من النقابات تحصلينهن في الجيمي مول اضن انه اسمه الخمار الراقي..
ماشئ البس الشيلة يعني الفها عادي و عقب البس النقاب اللي بس طبقة يعني قطعة جدام و قطعة ترد وراه
اربطه من وراء و البس فوقه خمار اللي هو شرات عباية الراس بس قصيرة و فيه سير يثبت على الراس و يثبّت النقاب