السلام عليكم ورحمة الله وبركاته..
شحالكن خواتي عساكن بخير.. بغيت اتخبركن عن مستشفى المفرق للولادة شو رايكم فيها وفي معاملتهم والغرف؟يعني احصل غرفة روحي؟ وفيه في اي بي؟ وبكم ؟؟ قولولي كل شي عنه..
هل هو احسن عن الكورنيش؟؟ الصراحة الكورنيش زوين بس عيبه الغرف يعني لو كنت ضامنه اني بحصل غرفة كنت بسير عندهم بس المشكلة مب ضامنة شي فيها!!
ياليت تفيدوناااا
هلا الغالية
بعدني ما جربت فيه, بس اهلي كلهم هناك
على ما اعتقد اوكي
وانا حابه اجرب هناك اذا حملت هالمره
ادعيلي احمل بعد ما اخلاص هالدورة
اختج
ام انوار
انا بعد سمعت انه زين وفيه غرف vip بس بعد مب مظمون تحصلين غرفه بروحج …
متردده اروح خاص.. بس تعرفون مشاكل الخاص من ناحية المعدات والطوارئ 
!!
ياربي شو اسوي .. وريلي مب راضي اصلا عالخاص لا تقولون فلوس لا لا الشركة تدفع النا يعني ابلاش بس ابي حكومي اضمن..
إبصـــــــراحه احس المستشفى أوكي من ناحية الولاده والنيرســات وغرف VIP وااااايد مريحــه مقارنه بسعرها والله يسهــــــل عليج ختيه الولاده وتفرحيـــــــــن بشوفة البيبي.
مشكووورات خواتي عالردود ^_^ يلا نبي نشوف اراء اكثر
هل فيه وحده ربت عندهم وحطوها في غرفة مشتركة!!!
والله اختي ربت هناك من شهر ووايد تمدحهم وتلح علي اربي هناك.. هي شردت من الكورنيش كثر ماطفروبها في مراجعات الحمل..
وتقول في المفرق عنايه واللي ولدتها دكتوره بنفسها مومثل الكورنيش نيرسات لا وبعد مواطنه وتقول خيطوها خياطه مضبوطه حتى يوم سارت عند ناديه تركب اللولب قلتها خياطتج وايد نظيفه واوكي منو سواها لج ؟؟
ومن ناحية الغرف مالقت في اي بي بس لقت غرفه بروحها.. ومع تلفزيون لا وهي طالعه عطوها هديه بعد كرسي للبيبي….