السلام عليكم
هلا خواتي,,,,
بما انه هذا قسم التغذية أريد كل وحده عندها عيال يسيرون المدرسه
تكتب شو السندويتشات اللي تسوونها حق عيالكم الصبح وياخذونها وياهم المدرسة
انا اسوي حق ولدي سندوويتش بيض وجبن واحيانا جبن وخيار وياكل كورن فليكس وحليب
بس يقول لي: مليــــــــــت كل يوم بيض بيض ..ما أريد بيض
على فكرة اهو يحب النقانق والبرجرللمدرسة وانا ما احب اسويه لهم الا ع فترات متباعدة وللعشاء بس
اللي عندها فكرة تكتبها
وينكم 11 زيارة ولا رد؟؟؟
هذي اول مشاركة لي … لا تخلوني أشرد
وين التفاعل؟
هلا
انا اخواني ياخذون سندويتش شوكليت نوتيلاا او جبن بس اكثر شي الشوكليتــــــــ
تسلمين حلى ع الرد
استفدت منج
——————————————————————————–
انا عن نفسي و ايد اهتم يكون اكل بنتي صحي ..و اصلن المدرسه مانعه الجيبس و الحلويات …
– سندويتشه مربي
– كيك ..صنع ايدي ..
– موزتين ..( لازم يوميا احطلها موز ..عشان يعطيها طاقه )
– فواكه عنب ( اغسله حبه حبه و انشفه و احطه في اكياس البلاستيك )و كل انوعلها في الفواكه.
– طماطك – خيار – جزر مسلوق مقطع دوائر – بطاطس مسلوقه مقطه دوائر
– كرات البطاطس ( فوري بطاط و اهرسيه و حطيه وياه بقدونس شوي و ملح و عصير ليمون اذا بنتج تحب الحامض و كوريه) بنتي وايد يعيبها
– كرات العيش مع الجزر ( اسلقي عيش لين يلين و الجزر ابشريه و اسلقيه عقب حطيه مع العيش و حطي ملح شوي و كوريه )
– روب بالفراوله
– عصير و حليب بالفراوله
-اصابع الجبن ( عجينه السمبوسه احشيها بجبن و لفيها و اقليه )
-جيكن نجت
-فطاير بانواعها
-باستا ( اسلق المعكرونه و احطه فوقها صلصه الباستا شي جاهز في كارفور )
-بيتزا بالسليس ( قطعي السليس دواير و حطي مسحه من صلصه البيتزا الجاهزه و حطي طماط و فلفل ا زيتون اسود و ابشري جبن و دخليه في المايكروف دقايق بس لين يذوب الجبن )
امممم اذا اذكرت شي بحطه
و لازم و لازم قبل لا تطلع تتريق عدل و تشرب عصير برتقال عشان تقوى مناعتها و خصه في هالفتره عشان مرض الانفلونزا
انا احط لولدي فواكة مشكلة +حليب شوكولاته+ مكسرات (لوز وجوز)+ أربع حبات بسكويت دايجستيف..هذا بالنسبة للأكل اللي ياخذه المدرسه
بالنسبة للفطرو يحب كل يوم ياكل (نسكويك+حليب فرش).. وطبعا هذا بشكل يومي لانه ولدي من النوع اللي يحب الشي اللي متعود عليه ما يحب التغيير
بالنسبة للغدا هذا على المدرسة