امهات انا ربيت تاريخ 19/5
ومن ثاني يوم طلع فبنتيً البوصفار بس كان خفيف قالو تمي وظهرت من المستشفى وراجعتهم بعد اسبوع وسوو لبنتي تحليل. وقالو نسبة البوصفار 10 يعني مايخوف وعقب أسبوع راجعتهم وشافوهاً ماسووً تحليل وعقب اسبوع راجعتهم سووو إلها تحليل وقالو ارتفع 15 وبيتوني فالمستشفىً اللي هيه صقر يعني وحطوهاً داخل الجهاز اللي هو الليت الأزرق ووقت الجهاز 6 ساعات وطبعا بنتي صياحه مارمتها أتم داخل اللا يوم ترقد المهم بعد الجهاز ب 6ساعات الحمدالله نزلت نسبة البوصفار ووصلت 9 وقالت الدكتوره خلاص اذا نزل مابيرتفع ورضعيهاً زين وبيخوز عنها المهم ظهرت من المستشفى وبعد 10 ايام حسيت البوصفار زاد وراجعت عيادة الاطفال اللي بصقر وسوو إلها تحليل وقالو 11 ارتفع شوي وقالت مايخوف وعطتنيً مراجعه تاريخ 19 من هالشهر لانها بتكمل شهر وللحين البوصفار فبنتيً حطيتهاً بالشمس وشربتهاً ماي فيه سحهً وماعرف شو اسوي ع فكره انا دمي o- وبنتي b+ وريلي بعد b+ وعاطيني إبرة الفصيلة قبل لا اربي بشهرين
لا تخافين حببتي بنتي ظهر لها من ثالث يوم وتم فيها 40 يوم وعقب سار بس انتي شيكي تحليل فهالفترة عسب تطمئنيين انه ما يرتفع اكثر وربي يعافيها
ما تشوف شر حليلها
نحن يوم يهم أبو صفار نوديهم عند حرمه يسمونها المصفره تقرا عليه وتسويله مساج عقب تعطينا ماي عشان نسبح الياهل وكلها أسبوع والياهل ما شاءالله بخير وسلامه
شوفي حبيبتي الله يشفي بنتج لا تخافين انا جي ستوا فيني بولدي بس كان وايد مرتفع انا ربيت في مستشفى دبي و كانت دكتوره اجنبيه هي المختصه في سوالف اليهال اللي فيهم بوصفار قالت كل يوم الصبح اول ما تطلع الشمس افصخ البيبي و احط فوطه على عيونه و اجابله ويا الشمس و فعلا كنت ل يوم اسويها و الحمدلله بعد ما سرت للعياده بارك قالت نزل بس استمري عليه بالشمس و رضعي زين و سويت نفس ما قالو و الحمدلله خاز عنه و كنت مرات اخلي الشمس جريب تغرب و اسويله نفس الشي
الله يطمن قالوبكن ويسر اموركنً ياربي ويخلي الكن عيالكن
مثل ما قالت اختي ام حمود بس خذيها ويلسي بها فالشمس عند بداية شروقها مش بعد ما تشرق نهائي لأنها محتاجة للفيتامينات عشان يخوز عنها
ربي يشفيها ويخليها لج
البنات ماقصروا … عرضيها للشمس وقت تكون باردة .. اول ماتطلع
وقبل المغرب
والله يشفيها ويحفظها لك .
..