شو اسوي بهالحالة

بقولكم قصتي من اولها وانتوا احكموا

انا خذت واحد من الاهل وهو اكبر مني بسنتين ونص تقريبا وماسمعنا عنه الا كل خير يوم سالنا عنه … المهم امه خطبتني نص شهر 11 وانا اصلا ماعرفهم وايد وابوي كان شبه متردد انه اذا يوافق ولا لا وانا الحمدالله صليت الاستخارة تقريبا 3 مرات قبل النظرة الشرعية وارتحت … بعد 3 اسابيع امي سالتني اذا موافقة ولا لا تميت ساكتة واطالعها قلتلها شو راي ابوي قالت لحين مب معطنا رايه قلتلها انا مرتاحة والجواب النهائي عندكم

نص شهر 12 كانت النظرة الشرعية طبعا ها بعده ابوي مش موافق بشكل نهائي وبعدنا ماخبرنا يدي لين ما ابوي يوافق … ابوي يلس معاه وعرف عنه كل شي ها طبعا غير اللي قالولنا اياه وامه وخواته الثنتين كانوا موجودات والباقيات مايوا بحجة انهم مسافرين واما من صوبنا امي وخواتي الثلاث

ما ابالغ يوم اقولكم اني شفته لمدة دقيقتين بالضبط وحسبته الان كنت اطالع الساعة … اول ماروحوا صليت مرة ثانية وابوي تم يقول شو عرف عنه من خلال الكلام معاه … يوم الثاني امه اتصلت يوم الثاني في امي الظهر تبا تطمن وقالت انه هو مرتاح وكانت تتخبر عني اذا صار في تغيرات فقالتلها هي مرتاحة بس ابوها لحين مش موافق بشكل نهائي وتموا يتكلمون عن الملجة والعرس والتجهيزات وكل شي … اخر شهر 12 ابوي وافق وبداية شهر 1 صارت الخطبة الرسمية وتم تاكيد عن موعد الملجة وكل شي

بديت اتجهز واخته بين فترة وفترة ادقلي وحددنا وقت الملجة نص شهر 3 والعرس اخر 5 وفي نص شهر 2 طرشلي باقة ورد حمرا وفيها خاتم بس بدون بطاقة … هو مب قايل حق حد الا وحدة منهم اللي ما اتواصل معاها وهي ساعدته فالاختيار وهي كانت مشغولة وماقدرت توصله فضطر يخبر اخته اللي قدي توصله … طبعا وصلته وقالها تاكدي اول شي انها مش فالبيت وشوفي سيارتها … انا كنت مدخلة سيارتي داخل الكراج ويتحسبوني محد المهم يوم يابتلي الخدامة الورد قالتلي وحدة من ربيعاتج يابتها ومارضت تقول الاسم وماتميت حد ماسالتها وحطيت الصورة عالانستجرام عسب اعرف عقب ساعة اخته اللي ساعدته خبرتني منه

ملجنا والحمدالله وسوينا حفلة عائلية وماعزمنا ناس وايد …كانت احلى ايام تمر ومايمر يوم والا اكلمه تقريبا 4 او 5 مرات فاليوم … كنت اوعيه حق الصلاة وحق الدوام وحق الكلية وكل شي وكنا نتكلم بالساعات طويلة … حتى امي يوم كانت اتيي عندي الغرفة بس اتشوفني ماسة الفون واكلمه وحتى وقت الرقاد نتكلم ونسكر يوم حد منا رقد … يوم خلصت التدريب اشترالي هدية تلفون وابد ماكنت احس انه في شي خاش عني مع ان كان وعدنا اول مايلست معاه بعد الملجة كل شي نقول لبعض حتى لو شي يضايق

ويا وقت العرس الحمدالله … سافرنا اسبوع بحجة انه عنده كليه وماعنده اجازة ونسافر مرة في شهر 8 … من كملنا شهر من العرس تغير علي وانا ماعرف شو السبب اللي يخليه يتغير علي … عمري ماقصرت معاه بشي كنت اوعيه حق الصلاة وحق الدوام والكلية واتعدل واكون جاهزة يوم ايي ويوم يكون فالبيت ما اطلع وبعض الاحيان ادش المطبخ واسويله اكل خصيصا حقه

مرات يوم اتصل فيه مايرد علي بعد ربع او نص ساعة يكلمني بالواتساب يقولي يوم اكون بروحي بكلمج مع انه عمره ماسواها معاي يوم كنت اتصل فيه كان يهد ربعه ويرد علي واما الحينه يطنش مكالماتي ويقولي اي حجة

في اخر شهر 6 سرت العيادة عسب اجيك ليش الدورة مايتلي وهو اللي موصلني بس مادش مادش معاي كان يتريا برع … قالتلي انتي حامل في الاسبوع السادس … شوي تضايقت الان ماكنت ابا احمل وانا بهالوضع ويوم وصلنا السيارة وريته صورة الياهل عسب يحس اول شي ماستوعب قالي شي شو ها قلتله حامل في الاسبوع السادس … استانس وطار من الفرحة وكل موعد صار ايي معاي ويسال الدكتورة اسئلة

في نص شهر 7 تغير علي وايد ها دليل ان توني انتبه بالتغيرات اللي تصير بس اسكت وما اقوله واتضايق … بعد العيد اهله كلهم سافروا بس تمينا احنا فالبيت وانا كان فيني الشك انه كان يكلم بنات الان كان وايد يتكلم فالتلفون ومايهده الا فالليل … مرة سار المسيد وماشل تلفونه وانا الشك ذابحني وصح المفروض ما افتح تلفونه بس عشان اتاكد … يوم جيكت تلفونه عالمكالمات والواتساب طلع شكي في محله كان يكلم وحدة ومطرشة صورتها وصور اعيالها وكل واحد يتفدى الثاني

انا اهني انجلطت ماقدرت اشوف المحادثة كلها سكرت كل شي ورديت مكاني ولا جني سويت شي تميت ساكتة عالاساس انه بيرد ياخذ اشيائه ويروح يستلم سيارته اليديدة … يوم دش الغرفة ماطالعته بس سويت نفسي طبيعية كثر ما اقدر خذ اغراضه وطلع انا اهني انهرت وتميت اصيح من القهر دقايق رد وشافني اصيح وتم يسالني وانا مارد عليه اذا رديت عليه بقوم اصارخ اول مرة يشوفني بهالحالة حاولت اني اسكت بس ماقدرت … كنسل السيرة وتم معاي وانا كان ودي اطلع من البيت وما ارد نهائيا بس ماسكة عمري بس عسب الياهل اللي في بطني … طلعني من البيت بالغصب وتمينا نتحوط وانا ساكته ولافه صوب الجامة وعقب سرنا صوب الوكالة عسب ايشل سيارته تمينا هناك تقريبا نص ساعة انا تميت فالسيارة وهو يروح وايي

لين مايبوا السيارة مشينا انا سقت سيارة وهو بسيارته وهالفترة كان يكلمها وانا كان ودي ادعمه بالسيارة من القهر ويوم وصلنا البيت قالي سكري السيارة وتعالي بنتحوط قلتله ابا ارد الغرفة قال ماشي انسي تمينا نتحوط وعقب ردينا … المهم يوم ردينا كان ماسح المحادثة ومطرشلها فيس اللي يبوس … طول هل كم من يوم وانا مناحة كل ماشفته بدون ما احس ونتضارب على اي شي نتناقش فيه وصار الكلام بينا مستحيلة

قبل مانسافر بيومين اخته ردت من السفر ويوم الثاني يت عندنا واهني بكل قلة ادب كان يكلمها وانا اطالعه من شفت اسمها على طول رحت الحجرة ومانزلت … سافرنا لمدة اسبوعين وكان تقريبا كل ليلة ينش من الرقاد يدوخ فالبلكونه وماسك التلفون ويسولف ويتم ساعة وعقب ايرد يرقد وانا اسوي نفسي راقدة عسب ماينتبه وحاولت المحله اني كشفته بس لا حياة لمن تنادي وماقدرت اروح بيت اهلي الان كانوا مسافرين

ومن اسبوع تقريبا انفضح … انا رقدت قبله وهو تم واعي وفجاة فالليل احسه مش طبيعي وتم ينتفض اقوله شو فيك يقول ماشي وحاولت معاه لين تم يصيح ويقولي سامحيني باللي اسويه فيج وتمي يدعي ان الله يسامحه باللي سواه وقالي ما ادري اذا اقولج ولا لا قلتله احنا وعدنا بعض ان مانخش شي وتم يحلف ويقسم اني مش مقصرة معاه بشي واسوي له اكثر عن طاقتي وقالي عقب انه تعرف على وحدة وكلمها على انستامسج واخر طلع واحد وبطريقة ما كان يكلمه بالسكايب وهناك اكتشف انه واحد ومادري كيف وانا مش فاهمة سالفة انه هو مصورنه من فوق لين تحت حق افلام الاباحية … وقبل مايصوره يتله شهوة وتم يطالع وتم يصوره على يومين …

وتم يقول انه ندمان باللي سواه ومافكر لا في اهله ولا فيني … قال انا الحينه ريال معرس واشكبري وانتي عندي حرمة وبتصيرين ام اعيال جيه اسوي فيج والتربية اللي ربوني فيها امي ابوي كلها راحت بسبة هالشي وهذاك قاله انه بيفضحه عالانستقرام وكم من مكان وهو اهني خاف وانا اهني من الصدمة ساكتة وماتكلمت ولا كلمه وتميت اطالعه وعقب لفيت وتميت اصيح وتم يكلمني وانا ما ارد عليه لين قالي قولي شي

قلتله انت قلت اني مش مقصرة معاك وماتم شي ماسويتلك اياه وليش جيه تسوي فيني … قلتله عن اللي يكلمها قبل قالي كانوا ثنتين بس كنت اكلمهم بالواتساب وما اتصلت فيهم ولا شي وانا اهني بس دموع ماقدرت اتكلم بولا كلمه ماكنت ابا منهم شي ولا هم يبون مني شي ووحدة معرسة وعندها اعيال وهديتهم وقلتلهم اني مابا اخرب بيتي ويبا ينهي كل شي ويقول مايكلمهم خلاص بس الله اعلم وعرف من يومها اني شفت التلفون وقال اعرف ان الشك يالج وما الومج

سكر اكاونت ماله وقالي اجيك اذا للحين موجود ولا لا وقالي احطله سورة يس … كل ها انا مصدومه وما اكلمه بولا كلمه … رقدت عنه من القهر ويوم الثاني طلعت مع ربيعتي وماسويتله سالفة ويوم رديت ما اطالعه ولا تكلمت وتم ايطالعني وكان يباني ابدا بالكلام … اهني انا فريت عليه بالكلام وماكان هامني يجرحه ولا شي كان اهم شي اني اطلع بخاطري

ولين يومكم هذا صرت ما اداني يتقرب مني ولا شي وكان يقولي صرتي بعيدة عني رديت عليه قلتله وانا صرت ماعرفك من كملنا شهر وانت تغيرت وماقمت تخبرني بشي وكل هالمصايب طلعت توها

قمت اجرحه بالكلام عسب يحس … انا سكت عسب اللي في بطني وعسب يدي اذا عرف بالموضوع بيطيح علينا ولا سمح الله يروح فيها … ماهتميت بالمشاعر ولا شي كلها تبعثرت صرت ماحبه نفس قبل كل ما اشوفه اشوف الخيانة وعلى اخر ايام صار مايي البيت بسرعة يتاخر … وين يروح مادري مايقولي كل ما اساله يقولي كم من شغله ويسكت

اعرف اني طولت معاكم بس حبيت اقولكم السالفة كاملة عسب تحكمون شو اسوي

والسموحة منكم

الخيانة صعبة

والله يختي ما اعرف شو انصحج
بس زين انج فضفضتي
الله يسهل امورج
احسن و افضل حل و بنفس الوقت هو اصعب حل
هو انج
تفتحي صفحة يديدة دامه حاس بغلطته و اعتذر
و عيشي حياتج
و بيني له انه اي شي حرام بدايته لذة و اخرته ندم

فانت تزوجتي ولديك الان طفل في احشاؤك
حاولي اصلاحه
وحاولي تغيريه للافضل
فابنك سيحمل اسمه

– عفا الله عما سلف وابدأي صفحة جديدة
اعلم اننا بعيدون عن القهر اللي فيداخلج
وعن حالتج النفسية ولكن!!

هذا نصيبج فحاولي انج تخلين حياتج افضل
فكري قبل ما تسوين اي شي

– وتذكري ان كل البشر تخطئ
والله سبحانه وتعالى يغفر لنا كل شيء الا الاشراك بالله

ونحن عبيد الله فكيف لا نغفر ونسامح