بسم الله الرحمن الرحيم
السلام عليكم ورحمة الله وبركاته
خواتي بغيت نصيحتكم.. اول موعد لي في مستشفى الكورنيش الاسبوع الياي.. وانا الحين في الشهر السابع..
وسمعت انهم يخيرونج بين دكتورة ولا قابلة… ابي اعرف مميزاتهم.. وشو تنصحوني اختار؟؟؟:1 (7):
واذا عندكم اسماءهم يكون افضل .. لأنها اول ولادة لي وخايفة.. وابي وحده طيبة .. مب تصرخ وما تفكر!!:1 (36):
جزاكم الله خير
خويتكم
حلم دبي:22 (22):
الغاليه الفرق بين الدكتوره والقابله
الدكتوره تهتم بصحتج من الناحيه الصحيه عندج فقر دم او ضغط او سكري من هالسوالف
لكن القابله تشرحلج كل شهر اتكونين فيه وقتالحمل شو التغيرات التي تطرا علي الامر وعلي الجنين شرح وافي وافضل لج انج تختارين القابله هذا في رايي الخاص
حتى وقت الولادة اختاري القابله .. لاني ربيعتي مربيه من اسبوع ونصحتني بالقابله اسمها رولا علي ما اعتقد وقالتلي وقت الويع يلست اتمسحني واتسويلي مسااج .. ويلستاتخفف علي لين ربيت بالسلاااامه
وهذا بعض ما عندي.. واتمنى ان اكون فدتج الغاليه
ما قصرتي والله أختي احساسي غريب..
بارك الله فيج..وفعلا انا بنت عمي قالتلي قابلة احسن بس بغيت خبرتكم^_^
وبخزن اسم رولا ان شاء الله وبسأل عنها الاسبوع الياي ..
بس اختنا احساسي غريب تعرف.. غريبة كل اللي دشوا ما يعرفون.. على الأقل ادعولي بتسهيل الولادة 
ربي يحفظكم جميعا
الله يسهل عليج الولاده
اووووووووووووووووووووه فديتها رولا والله اني احبها انا ولدت عندها من شهرين والله فناااانه وااااااااااايد والله اني كنت تفديتها عقب ماخلصت ماعذبتني ومسحتني ويها والله والله انه سمح ..
بس الغاليه وقت الولاده انتي وحظج يعني ماتقدرين تقولين لهم اريد فلانه ولا علانه اللي موجوده هي اللي بتولدج بس لاتخافين البجر تكوون عندها اكثر من وحده وتمر عليها الدكتوره بعد تتابع حالتها .. واذا بغيتي اي خذمه ترانا حاضرين
الله يسهل عليج الولاده… وصدقيني خليها على رب العالمين.
مشكوووووووورة اختي دلوعة الشرق على الدعوة الحلوة ^_^
أختي كيوت مي.. يااااااااااارب احصل رولا واذا مب هي وحده احسن منها ^_^ الله يسهل يارب
مشكورة أختي رقة وأنوثة.. هو جيه الكل يقول لا تسألين يعني روحي على عماج ههههههه الله يعين ^_^
بارك الله فيكم