السلام عليكم
خواتي لو تكرمتن عندي طفل عمره شهر ونصف وايد متاذي من الغازات
ورضاعته طبيعيه
الي مرت بهالشي ياليت لو تكتب لنا العلاج
وجزاكن الله الف خير
في دوا ف الصيد ليه اسمه هملايا للغازات
وفي ماي غريبه بعد يمدحونه ينباع ف السوبرماركت والصيدليات
بس انتي بعد كل رضعه خليه يتشدا
رقديه ع بطنه ومسحي ع ظهره
صح سدحيه عبطنه…
الله يكون في عونج هذي مشكلة العيال كلهم الغازات لا بد منه ،، اذا تعرفين تمسحين بالزيت الدافي مسحي عبطنه من فوق لي تحت نحن عندنا شغاله فلبينيه شاطره بهالسوالف تعرف تمسحهم وتريحهم
اللي انا استخدمه لعيالي هو انفيكول وكانت الدكتوره ناصحتني به..
واذا ترضعين طبيعي ابتعدي عن الشوكولاه والكوفي والمشروبات الغازيه..
اي شي فيه كافيين يسبب غازات للياهل.
وعطيه انفكول قبل كل رضعه ثلاث مرات في اليوم
وامسحي بطنه على فوق.. مرتين باليوم بزيت الزيتون.
وعقب كل رضعه خليه يتجشأ عدل،
وبس.. وبيخوز عنه من يبدا يتحرك بس يبالج تهتمين فيه علشان تتجنبين التعب اللي اييج من ورا هالغازات.
انا بنتي كنت اعطيها ينسون وماي نعناع وماي غريب بس ماحس يسوي شي…بس ولدي عطيته انفيكول شي جيه اسمه ونوعا ما زين بس اهم شي رقديه ع بطنه بيرتاح