شعري تاج جمالي ,,,, فشلني بين الناس :(

شحالكم بنات،، اليوم حبيت اكتب هالموضوع عشان افضفض لكم واللي شافت الموضوع طويل ،، اتمنى ما تقول طويل وما قدرت اقراه كله)

من يوم وانا صغيرة و شعري حلو ما شاء الله طويل وكثيف ولونه بني فاتح ،، ويلفت الانظار،، و يوم اشوف صوري مال اول يتقطع قلبي،،

طبعا هذا كان اول

المهم
خلال سنتين تقريبا بدا يتلاشى ،، خف وااااااايد ،،فروة راسي تبين،،ما همني طوله ولا نعومته،، اللي مزعلني اكثر شي هي الكثافة اللي راحت،، مع انه ما قد لاحظت انه يتساقط ،،

وقصيته والحين لين الكتف،،

مااااعرف شو السبب ؟؟؟ اوكي صح صبغته خلا الفترة اللي طافت بس تقريبا مب وايد،، مرتين يمكن وبفترات متباعده،، لا سويت تمليس ولا كيراتين ولا حطيت الحنا السودة اللي تخرب الشعر،، اي شي عجيب غريب ما احطه على شعري،، ما استشور ابدا ولا اكويه ولا اسوي فير ،،حتى في الاعراس ،،
وكل بنات العايلة ما شاء الله شعورهم اوكي حتى امي واختي واخوي

وتميت فترة اسوي اشياء طبيعيه حنا + زيوت الحمدلله صح تحسن ورجعت لمعته و قوته ،،بس للاسف الكثافة لين الحين بعده قمة راسي الشعر فيها خفيف،،

بعدين قلت مالي الا اسير عند دكتورة،، وسرت ،، والحمدلله طلعت فاهمة ،،، وعلى طول سوت لي تحاليل للغدة وفقر الدم وهرمون الحليب وهرمون الذكورة و قوة الدم

كللللللل شي طلع سليم والحمدلله،،

المهم وعطتني ادوية عبارة عن بخاخ وامبولات وشامبو وفيتامينات حبوب،،، وانا طبعا استخدم الادوية + ما انسى احط حنا و ازيته لو مرة في الاسبوع ،، عشان يكون كل شي متكامل

مر شهر على استخدامي للادوية ،،، صح في شعرات صغيرة يااا دوبها بدت تطلع ،، بس بعده ،، الشعر خفيف من فوق،،

نفسيتي تعبت اكثر،،

كللللللل شي سويته في هالشعر ومب راضي يتعدل قبل ما اسير الدكتورة، ثوم بصل جرجير المطبخ كله حطيته على راسي خخخخخ،، كللللللل مواضيع الشعر في كلللللللل المنتديات قريتها واعرفها،،، وكلللللل المعلومات عن العناية بالشعر اعرفها،،،

ماعرف شقايل بعرس و هو جي ؟؟؟

وااايد احاتي هالشي ،، كيف بقعد ويا زوجي؟؟ جيييي بدون شعر؟؟؟ ( للعلم:: انا مخطوبة)))

جان زين خفيف من ورى ،، لااااا من صووووب القصة بالذات

الحمدلله ادعي ربي دوووم انه يشفيني و يشفي كل امة محمد

والسموحه اذا طولت عليكم،،، بس صدق كنت محتاجة افضفض لكم