الطبقة الأولى ( الشوكولاته )
لوح شوكولاته خام
الطبقة الثانية ( الكراميل )
2 فنجان سكر
علبة قشطة
الطبقة الثالثة ( الكريما )
1 كوب كريما سائلة
2 قطعة جبن كريمي
1/2 كوب حليب سائل
2 ملعقة كبيرة حليب محلى
الطريقة
هنيه القوالب فاضية
نذوب الشوكولاته في حمام مائي
وبعد ما تذوب نحطها في قوالب السليكون بالفرشاة ونشكلها على القالب بالكامل كما في الصورة
بعد التعبئة ندخلها الثلاجة لمدة ( 5 ) دقائق حتى تتماسك
شكلها النهائي بعد إضافة طبقتين من الشوكولاته
نعيدها في الثلاجة مرة أخرى
وفي هالوقت نجهز الكراميل بأن
نذوب السكر على النار لين يصير لونه ذهبي
نضيف له القشطة ونحرك بسرعة
نخليها على النار شوي حتى يذوب السكر مع القشطة تماما
نرفعها من على النار ونخليها تبرد بدرجة حرارة الغرفة
وهذي صورة توضيحية للكراميل
نطلع القوالب من الثلاجة ونحط فيها شوية كراميل بالطريقة هذي
ونرجعها الثلاجة
في الوقت هذا نجهز الكريمة
نخفق الكريمة والجبن والحليب والحليب المحلى لين تصير كثيفة شوي
نطلع القوالب مرة ثانية ونصب فيها الكريما
قبل هالخطوة ممكن تحطون على الكراميل مكسرات أو CHOCOLATE CHIPS
وهذي صورتها
وهنيه صبينا الكريما
وآخر شئ زيناها بالشوكوليت شيبس والشوكولاته المبروشه
بعد هالخطوة دخلوها الثلاجة لمدة لا تقل عن 3 ساعات
ووقت التقديم تنزعون الشوكولاته عن القالب بس بطريقة خفيفة عشان ما تتكسر الشوكولاته
والنتيجة بتكون أحلى سويت
صورة جانبية أقرب
يسعدني اكون اول وحده ترد عليج
وبصراحه ابدااااااااااااااااااااع
ويسلموا الغلا
بس سؤال من وين يبتي هالاكواب؟؟
روعه تسلم ايدج مممكن اتخبريناعن الكريما اي نوع والجبن الكريمي ممكن يكون جبن كيري
روعة وايييييييد حلو
روعة ماشالله تسلم الايادي^^
ماشاء الله …تسلم هالانامل^^
ما شاء الله تبارك الرحمن
فعلا إبداااااع .. حبيت كثير هالسويت
ما قصرتي بالشرح والصور .. موضوع مرتب
بس خاطري مثل الأخت اللي سبقتني أعرف من وين حصلتي القوالب السيليكون لو ممكن