السلام عليكم روحمة الله وبركاته ….
خواتي أنا سويت تغير جذري لغرفة بناتي …اشتريت سريرين يداد ومكتب لكل بنت ..وقبل هذا كله يبت شركة ولصقت لي ورق للجدار ..واااااااااااااايد حلو عليه اشكال حلوة وناعمة …بطبيعتي ما أحب الزحمة في الديزاينات ولا الالوان ..اللون طبعا تدرجات الوردي ..الحين دورت ستارة بس كل اللي في السوق كان فظيع زحمة ألوان وأشكال ..المهم رحت محل ستاير وطلبت منهم ستارة سادة وردي سادة وقلت لهم بضيف لها اشياء عقب بردها لكم تخيطونها وافقوا والحمد لله …
ووقفت قدام خيارين :
1- إني آخذ بورق الشفاف صورة من الصور المرسومة على ورق الجدران وارسمها على كل الستارة طبعا أترك مسافات بين كل رسمة ورسمة وعقب أسويها بخيوط التطريز ( طبعا أنا ممتازة في التطريز ومفكرة أسويها بغرزة الفرع أو رجل الغراب )
2- أروح المكتبة لأن ربيعيت خبرتني إني أرسم الشكل والأسهل أييب ألوان وألون الشكل وبينشف عقب واتقول في الوان للقماش …
الحين محتارة شو الأحلى بوجهة نظركم ؟؟ وهل فعلا في ألوان للقماش ممكن استخدمها ؟؟ مع العلم إن عندي 3 ستاير لنفس الغرفة وبياخذون مني وقت بس على قلبي أحلى من العسل أسوي شي لعيالي بإيدي …
الله يخليكم ساعدوني أبي أبدأ بهالمشروع وأخلص قبل نهاية الشهر لأني بنتي الكبيرة بتبدأ امتحاناتها وما تم عندي وايد وقت …
اترياكم الغاليات
التطريز هيكون حلو ان شاء الله
ماا احترت شو اختااار انتي وشطارتج باين عليج شاطرة
للرفع
للرفع
فكره التطريييز احلى بس بتاخد وقت والنتيجه اكيد بتكون ررررووعه
وبحس انه بناتك رح ينبسطو فيها لانها من شغل ايدين مامتهم
مووفقه يارب
فعلا بدأت بالتطريز وبإذن الله بنزل صور للستارة عقب ما أخلصها بتاخذ وقت ..بس بما إن الجميع اقترح التطريز فبطرزها ..وربي يعينني …