انا يابنات باثث مجلس الرجال وماعرف من وين ابدا ووش الالوان المناسبة
المهم لون الجدار من تحت بني فاتح يعني كانه بين البني والبرتقالي ومن فوق سكري ولوقربتي من الجدار كان عليه مرشوش ذهبي وطبعا حزام بني طبعا المجلس العرض465 والطول 453 ومادري وش احط الالوان واحطه مغربي ولا كنب متفرق وطبعا المجلس للاستقبال والعشاءيعني بس هذا مجلس واحد ماعندي غيره عشان كذا ماني عارفه اتصرف ويفتح بعدعلى المغاسل يعني الضيف اول مايدخل ويجلس على الكنب يشوف وجهه على مراية المغاسل مادري كيف اغطيه
اللي عندها خبرة تساعدني
وبعد تذكرت عادي لو احط قماش مورد ووش موضة الاقمشه الحين
انصحج اتسوين جلسة عربية لأن
المجلس متوسط الحجم..
و هو مكان الاكل يعنى ماعندج غرفة طعام
ولو حطيتي غنفات بيكون صعب تسوين مكان لسفرة الاكل وبيضيق المكان
وعن المغاسل.. حطي ديكور جسوم بورد.. أو ستارة كشخة
لوتسوين الجلسة على شكل جلسة البادية وايد حلو..
وموفقة
هلا حبيبتي .. انا أشوف انج تسوين جلسه بس تكون نازله شوي لأن الميلس مافي مسافه كافيه عشان تسوين غنفات ،، وبالنسبه للمغاسل ممكن تسكرينها بستاره
هذي كذا فكره للمجالس وانشالله تحصلين الي تريدينه
up up up up
انصحج اتسوين شرات الجلسه اللي في الصوره الثالثه وايد حلوه ومناسبه لميلسكم