السلاااااااااااااااااااام عليكم والرحمه الله وبركاته
خواتي الغاليات اليوم أنا ييت عندكم وعندي مشكله الصراحه هي ماتخصني شخصيا تخص ربيعتي وأتمنى ألقى عندكم الحل المشكله تتعلق باقرب صديقاتي وحاولت أساعدها بس يمكن ماقدرت وأتمنى تساعدوني لاني وبصراحه أبا أساعدهااااااااا لانها مثل أخت وأكثر وربي يخليها لي
ببدا مشكلتهااااااااااا من البدايه ربيعتي مالجه وقريب بتكمل 3 سنوات في البدايه كان كل شي أوكي معامله ريلها لها وايد اوكي وماكان مقصر فيها أبد بس هو تغير تقريبا من كم شهر تغيييييييييييييير عليها تغير أسلوبه صار كله لربعه وبس لو في سبب بنقول بس هو تغير بدووووون سبب يوم يت خبرتني قلت لهاااا طبيعي يوم اطول الملجه جي يصير ((( وقلت لها يمكن مل لانه المجله طولت وايد بس بحكم دراستها ماتقدر تعرس الحين وعرسها باذن الله بيكون شهر 12 ادعولها تتوفج وتعيش حياه سعيده ))) حاولت تغير وايد أشياا وابد ماقصرت فيه صار مايتصل ولا يسال وفي موقف صار ضايقها اكثر اتصلت فيه وهي تصيح وكان في دوامه وقال لهااااااا بطلع ع العشر وبتصلبج وتخيلوا اتصل 12 وبكل برود يسالها اشفيج انت مخلص من الساعه عشر وتوه يتصل قال انه كان يتعشى مع ربعه المهم وايد لاحظت انه نص وقته لربعه وأبد مايهتم بس يوم تكلمه وتقول الي في خاطرهاااااا يتغير يومين وشهررررررر يرد نفس ماكان حست انه في شي مب طبيعي وبعدين اسلووووووبه لو هو جي كان بيبن بس من شهور وفعلا قعدت وياه وسالته ذكر لها سالفه صارلها شهور السالفه انه في مره قال لها أنا مايعيبني شي في طبعج وفعلا غيرت هالطبع فيها وردت سالته أنا اوكي صرت قال لهااااا هيه وأيدها مب إنه قال ماتغيرتي وقال لها اني من ذاك اليوم تغير أسلوبي وياج وحاولت اغيره بس ماقدرت وقالها انه بيحاول بس ربيعتي فكرت بالطلاق لانها حست ماشي فايده وهي تعبت وايد من هالشي تقول تعودت بس مب مرتاحه وللعلم هو يصير ولد خالهااااا يعني ماينفع تلجأ للطلاق ريلها كتووووووووووم وايد وباااااااااااااااااااااااااااارد وصعب التعامل مع الشخص الكتوم ولو زعل من شي بعد فتره يقولج واوقات ماتدرين بعد انه زعل من هالشي يعني شي يضايق الصراحه خواتي أتمنى ألقى عندكم حل يمكن هالمشكله تكون بسيطه عند البعض وصعبه عند البعض طبعا أباكم تفيدوني بتجاربكم وكيف تتعامل وياه وشو تسوي واللي مايقدر يساعدني فلا تحرمونا بدعواتكم لها وبكووون شاكره لكم
أنتظركم
أختكم : دمعه عيناويه
والله ايوفقها
والله ما اعرف شو اقول غير الله يسعدهااا ويسخر ريلهاا
المشاركة الأصلية كتبت بواسطة أمــــيـــرهـ 
والله ايوفقها
مع أختي أميره…. مب زين اطول في فترة الملجه هالكثر …. الله يوفقهم ويسعدهم
هذا كله لانه وقت الملجه وايد طويل 3 سنين وااااايد
الله يوفقها . بس ولدخالتها فية ميزه . أنة بارد وهذي الصفة مع العشرة والأولاد روعة.
شي عادي عقب الزواج بيتغير
والله يستر عليها ويبعد عنها الطلاق