سؤال لطالبات جامعة أبوظبي

أخواتي بغيت أسألكن عن مستوى الدراسة في الجامعه كيف ؟؟

ولو ممكن أريد أعرف المصاريف المالية للبكالوريوس ؟؟

المشاركة الأصلية كتبت بواسطة هيبة حضوري

السلام عليكم والرحمة

أخواتي بغيت أسألكن عن مستوى الدراسة في الجامعه كيف ؟؟

ولو ممكن أريد أعرف المصاريف المالية للبكالوريوس ؟؟

و عليكم السلام ورحمة الله و بركاته

سميحيلي فديتج ما انتبهت على موضوعج

مستوى الجامعة قوي … الحين حاطين قرار انها راح تكون دولية الدراسة فيها مش سهلة
يبالها دراسة و مراجعة و و الامتحانات على حسب الدكتور ممكن يكون أوبن بوك أو كلوزد بوك
اممم و برووجكتات و اسايمنتس

اما مصاريف الجامعة امممم تكلف تقريبا 17 ألف في السمستر على حسب المواد اللي تاخذينها

أسعار متطلبات الجامعة 2775 هذي أسعار البنات القدامى بس اليديد ماعرف ! اظني أكثر
و التخصصات المادة الوحدة 3300 عاد اضربي ب4 أو 5 أو 6 على حسب عدد المواد اللي تبينها و الكتب يبالج تقريبا 1000 و الخدمات 400

المشاركة الأصلية كتبت بواسطة الجرح الدامي

اختي انا مثلج اسال بس البنات ما ادرس شو بلاهم ما حد يرد
المهم انا اتصلت عالجامعه وقالولي لازم يبون بالايلي او اتوفل وانا الاثنين ما عندي
والتسجيل مفتوح الين 17-1
والكليات الاداب والهندسه والبزنس
اتصلي عليهم وخبرني شو صار ويياج
لاني انا مثلج محتاره ومب عارفه شو اسوي

سمحيلنا فديتج ما انتبهت للموضوع …

هيه ما يقبلونج الا و انتي عندج الايلس او التوفل

او تدرسين عندهم انجلش و عقب تمتحنين الايلس

بس نصيحة خذيه من برع و تعالي درسي في الجامعة