بلــــيز بغيت شوركم
شو تفضلون يكون الكبت داخل اليدار ولا طقم غرفه النوم
لاني ابني ملحقي وابا استغل مساحه خصوصا ماشي ستور
اهم شي الشكل ؟ شرايكم
لو تفضلين كبت داخل اليدار ,, امم اسويها بغرفتي بس ولا بغرفه اليهال بعد ؟!!
لاني افكر بالكفــرات حق الاسره وباقي الاشياء الي بتي مع الزمن
وبيشوه المنظر ولا ؟؟
انا افضل يكوون في اليدار في الغرفج وغرفت العيال ^_^
الصراحة في اليدار أحسن لانه ياخذ مكان في الغرفة خصه اذا كانت الغرفة صغيرة والحين أغلب الناس يسوون غرفة ملابس ( دريسنج رووم ) وبعدين تدخلين عالغرفة وخليه يسك الصقف من فوق لتحت وخلي الرفوف الفوقيه للديباجات او الكفرات هذا رااااي والسموحة .
أنا فصلت الخزائن المبكتره بكل البيت رووووووووووعه بس بعدهم مازهبوا أول ما يخلصون بحطهم لكم بالصور
تسلمون عالردود ..
بس متى يركبون بعد الصبغ ولا قبل ؟
وأي محل تمدحون غير الخزائن المبتكرة فبوظبي ؟
اختي بالجدار احسن لانه ماياخذ مكان
هلا ختيه .. بالذات حق المساحات الصغيره اشوف الكبت الي يسمونه ووك ان كلوزيت .. يعني تاخذين طرف من الحجره و تخصصين مساحه قد ما يتوفر لج وتسكرينها و في عدة طرق للتسكير …. وتخلينه كبت مفتوح داخل
هاذي بعض الافكار ..
[IMG]http://1.bp.********.com/_hhVEn8RgjiE/Sspai5dpJeI/AAAAAAAAAJQ/-xV7e3h7TIg/s400/aff243964fcd31ba856ad87a881f176b%5B1%5D.jpg[/IMG]
شوفي هنيه كيف ما ينحس ابها في غرفة الاطفال ..
[IMG]http://4.bp.********.com/_at8tCsahqzw/R9CuytYb87I/AAAAAAAAA3Q/4H_QYmRwLX0/s400/DSC01436.JPG[/IMG]
[IMG]http://1.bp.********.com/_hhVEn8RgjiE/SOEQ5W4IARI/AAAAAAAAAEs/Ocif3qqeFlg/s320/DSCF1132%5B1%5D.JPG[/IMG]
سوري وايد حطيت صور .. ان شالله تستفيدين
الله يوفقج