سرت القريه ودخلت اليمينه وتميت اطالع الزيوت وطاحت عيني على زيت العروسه لتفتيح البشره والريال يتمدحه لي وايد زين ومغذي للبشره ب 30 درهم وغرشه ضغيره وهو عباره عن خليط من الزيوت وانا اخذته وحطيته على ويهي تعالو شوفي ويهي الحين عقب استخدامه يومين متروس حب الشباب كانه حب الشباب رد مره ثانيه. وسرت عند الدكتور الجلدي وانصدم لاني قبل 4 اسابيع مسويه تقشر خفيف ويهي كان احسن مافيه حبوب على الاقل. وقالي لازم تاخذين رواكتين مره ثانيه لاني اخذته قبل سنتين ونص ويهي كان صافي وحلو طبيعي رغم ان بشرتي دهينه. ساعدوني مااريد اخذ الدوا مره ثانيه. وعلى فكره الكريمات لحب الشباب ماتاثر على بشرتي لانها وااايد دهنيه عشان جذي انا مستغربه ان الزيت خرب ويهي. رغم اني قبل حطيت زيت زيتون ماسوالي شي.
22 ولا وحده ردت ؟؟؟؟؟
لا حول ولا قوه الا بالله
لهذا انصح الكل مايستخدمون اشياء مايعرفونها ولا يعرفون مكوناتها
السلام عليكم ورحمة الله وبركاته
الله يكون في عونج اختيه . بس معروف انه الي بشرتها دهنيه تبتعد نهائيا عن الخلطات الي فيها دهون لانها اتسبب بظهور الحب في الويه . واذا استخدمتى ماده زيتيه في الويه من بعدها لازم تستخدمين صابونه خاصه بالبشره الدهنيه.
شوفي اختيه انا مره قريت ما اذكر في منتدانا ولا منتدي ثاني انه يوم اتحطين ديتول مخفف بالماي على راس الحبه اتيبسها ورحت وجربت هالشي كنت احط طشونه من الديتول في نصف فنيال ماء واخذ قطنة الاذن واشبعها من هالماي واحطها على راس الحبه مره وحده وما ارد القطنه نفسها في الماي استخدم وحده نظيفه واخليه على ويهي لين ما ينشف ومن اصبحت كانت الحبه ناشفه .
فايختيه انتى جربي هالطريقه على حبه وحده بس وشوفي اذا فاد كملي واذا لا وقفي .
والسموحه منج
لا حول ولا قوه الا بالله
لهذا انصح الكل مايستخدمون اشياء مايعرفونها ولا يعرفون مكوناتها الا عن تجربه من حد تعرفونه
الله يعينج والله غمضتيني لاني انا كنت اعاني من حب الشباب خاز
بس تمت اثاره فعرف الحين اكيد نفسيتج زفته مب بعد ما تخلصتي من حب الشاب رد الله يعافيج يارب
لا حول ولا قوه الا بالله