رحلتي الاسبوع الماضي () بالصور ^_^

الاسبوع الماضي سافرت لمصر مده الرحله كانت اسبوع واحد بس ما طولت هناك بس كان اسبوع حلو بصرااحه وصورتلكم بعض الصور بس طبعا كالعاده نسيت اصور في اللحظات المهمه

المهم كانت الرحله في الليل يعني نكون في المطار الساعه 3 في الليل وبطير الطياره الساعه 5 الفجر

ونحن كنا طالعين المطار الحمدالله ان نحن وصلنا لان الطريج كان يخوف لان في ضبابه ما كنا نشوف الطريج المهم وصلنا شوي متأخرين واول ما وزنا الشنط وختمنا الجوازات قالولنا ان موعد الطياره بيـتأخر 5 ساعات بسبب حالة الجو

تخيلوا 5 ساعات شوي وكنا بنصيح خخخخخخخخخخ
وعقب قلنا بنيلس ناكل شي سرنا صوب المطاعم وطلبنا ماكدونالدز ويلسنا هني

ويلسنا 3 ساعات في هالمكان
وعقب قالولنا نطلع فوق لانهم فتحوا البوابه
المهم طلعنا ويلسنا على الكراسي مقابلين السوق الحره

تمشينا داخل اكثر من الساعه من الملل
ندخل ونرد مره ثانيه نيلس تخيلوا يلسنا في هالمكان تقريبا 5 ساعات

تعرفون هالريال الي فوق الآله الي تنظف الارض خطف من جدامنا يمكن 20 مره او اكثر بس جذيه ماشي شغله عقب قلتله سير نظف مكان ثاني انت ما عندك غير هالمكان تنظفه وبس عقبها سار وما رد خخخخخخخخخخخخخ

[url=http://www.upup.ae/up/index.php?action=]viewfile&id=1809][/url

وهذا كوب نسكافيه ماخلينا شي ما شربناه من الملل وعشان الرقاد يطير لان خلاص انهرنا

والساعه 11 و 20 دقيقه الظهر قالوا خلاص بندش الطياره واخيرا ^_^

المهم سرنا وانا من الفرحه خلاص قمت اصور اللممر الي يوصلنا الطياره وحواليه

وهني والحمدالله طرنا

طرنا الساعه 12الظهر تقريبا

وصلنا مصر الساعه على الساعه 1 ونص تقريبا توقيتهم لان فرق بينا وبينهم ساعتين
وتخيلوا كنا منهارين خلاص تعبانين بس مانمنا لين في الليل ربيعتي تقولي انتوا مكينه مب بشر خخخخخخخخ عشان واصلنا مانمنا وارتحنا المهم على المغرب طلعنا نتمشا شفت مال العصير اتخبلت وقفنا وشربنا عصير

وبعدها رجعنا البيت ونمنا في الليل وخلص اليوم الاول

يتبع

واجرنا مركب لمده ساعتين بس بصراحه كان حلو والجو رهيب

وهذي بعض الصور من على المركب

وهذي سفينه كبيره بس وايد حلوه هي عباره عن كازينو على قولتهم
ومطعم ومقهى بس وايد حلوه عقب ما خلصنا من النيل سرنا لها بس ما صورت وانا هناك نسيت

وهني اليوم الثالث طلعنا سرنا منطقه اسمها السيده
وهذا مسجد يقولن اسمه مسجد السيده وايد زحمه يكون يوم الجمعه

وهالمطعم في هالمنطقه اسمه محمد الرفاعي هالمطعم لازم يوم تدخلينه تحجزين قبلها كل الي يدشونه من الوسط الفني ولو تشوفون المطعم من داخل صغير انا قلت بلقاه كبير وكاشخ بالعكس هو وايد بسيط وصغير
وتمللت وانا اتريا الأكل بس بصراحه يوم يابوا الاكل قلت يستاهل اكله رووعه رووووووووووووعه هو عباره عن مشاوي بس روعه

وصاحب المطعم حاط على يدران المطعم صوره هو والفنانين الي زايرين المطعم مافي ممثل ما دشه هالمطعم بس بصراحه وايد حلوووووو
هذي بعض الصور ما رمت اصور غيرها لان كله ناس داخل

وهني صور كافيه في حديقه الازهر الحديقه حلوه هاديه بس ذكرتني بالمبزره عدنا لانها كلها خضرا

يلسنا شوي شربنا نسكافيه وكلنا شيس كيك
واطالعنا المباره عندهم هاليوم كانت مصر مقلوبه فوق تحت كانت عندهم مباراه الاهلي والزمالك وهناك الكل يشوفون المباراه يعني حريم او رياييل او صغاريه الكل الكل لازم يشوف (( المتش )) على قولتهم خخخخخخخخخخخ

وهني ونحن طالعين من الحديقه شفنا عرس (( فرح ))
هذي الصاله الي يسوون فيها اعراسهم بس مب واضحه كنت في السياره

وهني في يوم سرنا الحسين رووووووووووعه روووووعه الحسين تمشينا فيه
وهني صورت هالمحل الي يبيه بدل الرقص

وهني بعد ما خلصنا مشي سرنا ويلسنا هني وما اذكر شو طلبنا والله خخخخخخخ