السلام عليكم ورحمة الله وبركاته …
شحالكم ؟؟ عساكم بخير وسهالة …
ابي مساعدة فديتكن للي عندها خبر بالغسالات والغسيل والملابس الملونة
هذاج اليوم غسلت ملابسي بالغسالة الاوتوماتيك … وشي جلابية فيها شوي لون
احمر من فوق بس … ولما غسلتها مع الملابس الثانية خربتلي اياها
انا قلت نفاد شو اسوي بعد … بس شي قميص احبه واااااايد وشارتنه غالي
ومب هاين علي اعقه … حد عنده طريقة او مسحوق معين يرد اللون مثل ما كان … ؟؟
بلييييز ابي مساعدتكن … لان جم مرة صارت فيني هالحركة ….
بانتظاركم ^^
الغالية مب اي قطعة تعقينها في الغسالة ..
لازم تقرين أول تعليمات العناية على الملصق
اذا تقدرين تغسلينها في الغسالة والا غسل باليد والا التنظيف الجاف ..
واذا بالغسالة روحها والا لا ؟ وعلى اي مستوى غسيل وكم درجة حرارة الماي الخ
احيانا لازم القطع الرقيقة تحطينها في كيس على شكل شبكة عشان تحافظ عليها أثناء الدوران ..
المهم القميص ترومين تسئلين مغاسل الغسيل على البخار اذا يرومون يصلحون لج اياه
بس اختاري مغسلة لها خبرة مب أي وحدة
بالتوفيق ان شا الله 
ما عتقد لوونه يررد >< واايد صاارت وياي اياام قبل ><
الله يعينج
صحيح اللي اعرفه ان الغسالات الاتوماتيك تعتمد على درجه حرارة الماي فالغسيل هذا الشي اللي يخرب الملابس بس كيف يتم اصلاح الخراب اللي صار بالفستان لازم تسالين المغاسل الاتوماتيكيه الكبيره عندهم خبره ابهالموضوع
لاحظت الماي البارد ما يخرب مثل الحار
المشكله اذا اي قطعة اطلع لون في الغسيل بتخرب الثياب الثانية حتى في الغسالات العادية
خواتي في علبه بالجمعيه يها ورق محارم اتحطين مع الغسيل الملون ورقه او ثنين مهما كان الغيسل يطلع اللون هذا ما يخلي الالوان اتسيح على الاقمشه الثاني الصراحه ما استغني عنه
مكشووووورين خواتي والله على الردود ما قصرتوووا فديتكن…
بس اختي كراميلا … وين يبيعون هالمحارم .. وشووو اسمها فديتج؟؟؟
اكييييد باخذها دام جي السالفة … ومشكورة ويزاج الله خير …