أرجو تفسير هذا الحلم ..
(( حلمت اني مع صديقتي في صف الرياضيات وكانت تكلمني عن خالتي ع اساس انها لاقتها معاي – مع العلم انها ما قد شافتها – وكانت تكلمني وهي مستانسة بعدين انا طلعت من الصف ما أعرف وين كنت ابا اروح بالضبط .. لكن شفت وحدة مشيتها نفس مشية ربيعتي لابسه عباة وشالة الشنطة كما لو انها توها يت المدرسة وناوية ادش الصف زقرتها باسمها باستغراب لفت لي وطلعت هي .. رحت لها وقلت * تعالي لازم تشوفين * اقصد لازم اتجوف البنت اللي تشبهها .. ردت *شو * وانا كنت مستعجلة لا تختفي البنت سحبتها من ايدها فتحت باب الصف معاها قلت لها شوفي .. كانت اللي تشبهها يالسة على كرسيها وفاجة شعرها وكان طويل وايد -مع العلم ان ربيعتي نفس شعرها طويل نفس الطول – بعدين قالت هاي التؤأم مالي ))
مع العلم اني نصف ملتزمة ، لازلت ادرس ، وعمري 16.
تمت الموافقه
خيرا نتلقاه و شرا نتوقاه
ان صدقت الرؤيا
تدل علي حالك انك متفوقه في الدراسه وان هناك شخص مثلك ستكون شبيه لك
في تفوقك و الرؤيا تدل علي صلاح الامور لك و فرج و زيادة في العلم و التفوق ان شاء الله و الله اعلم