السلام عليكم ورحمه الله وبركاته
خواتي بغيت رأيكم ومساعدتكم، عندنا خدامة تخاف ترقد روحها في الغرفة، والحين عمتي تنيمها في الصالة عسب تكون قريبه وكل ما أنا وزوجي ندش ونطلع الصبح تكون نايمه. وبصراحة مرات زوجي يرجع الصبح من الدوام وينجبر يمر من الصالة اللي تكون فيها الشغالة. الحين أبا أقنع عمتي اني ما أبيها تنام هني وان تنام في غرفة الخدم لان مب حلوة زوجي يشوفها ف السيره والرده.
بلييز بشو تنصحوني ؟
كلميها حبيبتي اصلا غلط تنام في الصاله . شو يعني لو تخاف والمفروض تنش من وقت يعني مب بالروحه والرده ريلج أو انتي تشوفونها راقده.
كلمي عمتج بالطيب وفهميها . أو خلي ريلج الي يكلمها يمكن تسمع له.
والله يعينج
يعني فالصاله منو يرقد عندها هههههههه
مبين عليها جذابه وتسوي عمرها خايفه
كلمي عمتج بالهداوه وقوليلهاا البشكاره غلط ترقد فالصاله دام انه عندها غرفه ترقد فيها
واذا تخاف تخلي باب الغرفه مفتوح مب لازم تسكره
ماتخيل الصراحه خدامتي راقده وريلي داش وطالع فالمكان وعادي ملابسها ترتفع واهي ماتدري بعمرها
هيه والله شو هااي بعد…لا لا فديتج…لازم تكلمين عمتج بجديه..وهي حرمه عوده لازم تفهم هالامور…هالشي غلط ما تخاف ع ولدها..واصلاا عيب هالشي..
الخدامه تبا تلعب لعبتها..
حبيبتي يااا تقنعين عمتج..أو قولي باي باي حق الخداامه..وغيريهاا
والله مب حاله هااي…شو هالخدم عفانيه الله …الله يعينا ويعينج اختي..
وابويه عليها شو يخوفها بعد؟
اكيد بنقاليه حركاتهن جيه
باجر بتقولن رقدونيه فغرفكم
رمسي عمتج قوليلها مب زين
هيه والله صدقتن،، برمسها اليوم لان جد بديت اتضايق منها،، ولو هي بشكارتي جان ما سويت لها سالفه وكلمتي تمشي عليها.. مشكورات خواتي والله يجزيكن خير.
ههههههههههه سلامات؟
لو تخاف خلوها تنام فالحجره والليت مشغل
اما تنام فالصاله هذا اكبر غلط ،،